Şriftin ölçüsü:

Saytın rəngi:

MAARİFLƏNDİRMƏ / 

Kitablar
03.12.2019 / Kitablar

“İnformasiya təhlükəsizliyi və din” kitabı nəşr olunub

Dini Qurumlarla İş üzrə Dövlət Komitəsinin İctimaiyyətlə əlaqələr şöbəsinin müdiri Yaqut Əliyevanın “İnformasiya təhlükəsizliyi və din” kitabı nəşr olunub. Kitabda müasir qlobalizasiya şəraitində prioritet müzakirə mövzusuna çevrilən informasiya təhlükəsizliyi məsələsi müxtəlif cəhətlərdən təhlil olunub.

İnformasiya-kommunikasiya texnologiyalarının inkişafı və qlobal informasiya cəmiyyətinin formalaşması dövlətlərin informasiya təhlükəsizliyinin müasir beynəlxalq münasibətlərin əsas problemlərindən birinə çevrilməsinə səbəb olub. Ölkəmizin milli təhlükəsizliyinin mühüm istiqaməti olan informasiya təhlükəsizliyi bütün cəmiyyəti əhatə edən vacib məsələlərdən biridir. Y.Əliyeva bu problem kontekstində kitabda internet və cəmiyyətin informasiya təhlükəsizliyinin sosial aspektlərini, informasiya təhlükəsizliyini təmin edən müdafiə mexanizmlərini şərh edib.

Nəşrdə mühüm ictimai fikir formalarından olan dinin cəmiyyətdəki rolundan bəhs edən müəllif din faktorunun informasiya təhlükəsizliyi sisteminə təsiri məsələlərinə toxunub.

Azərbaycanda informasiya təhlükəsizliyinin təmin edilməsinin qanunvericilik bazasına da yer verilən kitab Dini Qurumlarla İş üzrə Dövlət Komitəsinin  tabeliyindəki Mənəvi Dəyərlərin Təbliği Fondu tərəfindən nəşr edilib.