Ağdaşda Qurban bayramına həsr olunmuş tədbir keçirilib

Xəbərlər / 16.07.2021 / 12:57

İyulun 16-da Dini Qurumlarla İş üzrə Dövlət Komitəsinin Yevlax bölgəsi üzrə şöbəsinin və Ağdaş rayon Mərkəzləşdirilmiş Kitabxana Sisteminin birgə təşkilatçılığı ilə Ağdaş rayon Mərkəzi Kitabxanasında Qurban bayramına həsr olunmuş dəyirmi masa təşkil edilib. Tədbirdə DQİDK-nın Yevlax bölgəsi üzrə şöbəsinin əməkdaşı Asif Ədilov, Ağdaş rayon Mərkəzi Kitabxanasının müdiri Seyfəddin Feyzullayev, Azərbaycan Yazıçılar Birliyinin Ağdaş bölməsinin sədri Fəxrəddin Əsəd və kitabxana əməkdaşları iştirak ediblər.   

Tədbiri giriş sözü ilə açan DQİDK-nın Yevlax bölgəsi üzrə şöbəsinin əməkdaşı Asif Ədilov İslam dünyasının ən müqəddəs bayramlarından sayılan Qurban bayramının bütün müsəlman ölkələrində olduğu kimi Azərbaycanda da böyük sevgi ilə qeyd olunduğunu bildirib. Ölkəmizin yenidən müstəqillik qazanmasından sonra bütün sahələrdə olduğu kimi dini dəyərlərimizin də yenidən bərpa olunduğunu vurğulayan Asif Ədilov bü gün ölkəmizin dünyaya tolerantlıq nümunəsi olduğunu bildirib. O, Ümummilli Lider Heydər Əliyevin ikinci dəfə ölkəmizə rəhbərlik etməyə başladığı dövrdən xalqın öz milli-mənəvi dəyərlərinə qaydışının başlanğıcının qoyulduğunu, yeni məscidlərin inşa edildiyini, din xadimlərinə yüksək diqqət və qayğı göstərildiyini, bu gün də ölkə Prezidenti cənab İlham Əliyev tərəfindən bu işin uğurla davam etdiyini diqqətə çatdırıb.  

Ağdaş rayon Mərkəzi Kitabxanasının müdiri Seyfəddin Feyzullayev Azərbaycanın Sovetlər dövründə öz milli-dəyərlərindən uzaq düşdüyünü, həmin dövr ədəbiyyatlarında İslam dininin  əsl mahiyyətinin düzgün qeyd edilmədiyini qeyd edib. Bu gün ölkəmizin dünya miqyasında multikultural və tolerant ölkə kimi tanındığını vurğulayan  Seyfəddin Feyzullayev  bütün dinlərin nümayəndələrinin ölkəmizdə qarşılıqlı dostluq şəkilində yaşadıqlarını,  dini dözümlülük nümayiş etdirdiklərini bildirib.

Azərbaycan Yazıçılar Birliyinin Ağdaş bölməsinin sədri Fəxrəddin Əsəd, Ağdaş rayon Mərkəzi Kitabxanasının əməkdaşı Vüsalə Məmmədova xalqımızın tarixi köklərə söykənən milli-mənəvi dəyərlərindən, ölkəmizdə hökm sürən tolerantlıqdan və dini bayramımız olan Qurban bayramının tarixindən danışıblar. 


Son baxılan xəbərlər

Suraxanı rayonunda dini ekstremizmin yaranma səbəbləri və onun fəsadları müzakirə edilib

Press-relizlər
02.03.2017 / 16:18
Ətraflı oxu

“Heydər Əliyev irsi və milli-mənəvi dəyərlərimiz” mövzusunda tədbir keçirilib

Press-relizlər
12.12.2017 / 14:50
Ətraflı oxu

Siyəzən rayonunun Gilgilçay qəsəbəsində “Şəhadət” filmi nümayiş etdirilib

Arxiv
07.06.2018 / 15:41
Ətraflı oxu

"Milli-mənəvi dəyərlərimiz və dini icmaların rolu" mövzusu Goranboyda müzakirə edilib

Xəbərlər
27.05.2022 / 17:19
Ətraflı oxu

Gəncədə terror aktlarının dini şüarlar altında törədilməsi İslam dininə qarşı ən böyük cinayətdir

Press-relizlər
17.07.2018 / 17:47
Ətraflı oxu

Dövlət Komitəsinin könüllüləri Dinşünaslıq ekspertizası şöbəsinin iş prosesi ilə tanış olublar

Xəbərlər
15.04.2022 / 12:46
Ətraflı oxu