Xəbərlər / 25.06.2021 / 16:32
İyunun 25-də Dini Qurumlarla İş üzrə Dövlət Komitəsinin (DQİDK) Şamaxı bölgəsi üzrə şöbəsinin və Qobustan Rayon Təhsil Şöbəsinin (RTŞ) birgə təşkilatçılığı ilə “Milli dövlətçiliyin möhkəmlənməsində milli-mənəvi dəyərlərin rolu” mövzusunda onlayn seminar keçirilib.
Seminarda DQİDK-nın Şamaxı bölgəsi üzrə şöbəsinin müdiri Elnur Mehdiyev və şöbənin əməkdaşları, Qobustan RTŞ-nın müdiri Tahir Səbzaliyev və şöbənin əməkdaşları, Qobustan rayon Gənclər və İdman İdarəsinin rəisi Qadir Əkbərov, eləcə də idarənin əməkdaşları, Qobustan rayon Heydər Əliyev Mərkəzinin direktoru Cahangir Ağaməmmədov, məktəb direktorları, məktəblərin müəllim kollektivi, şagirdlər, könüllülər və fəal gənclər iştirak ediblər.
Çıxışlar zamanı qeyd edilib ki, milli dəyərlərimizin qorunması və inkişafı Ulu Öndərimiz Heydər Əliyevin adı ilə bağlıdır. Milli dəyərlərimizə, soykökümüzə qayıdışın, milli hisslərimizin oyanışının xalqımız üçün gərəkliliyini nəzərə alan, hər zaman bu sahəni diqqət mərkəzində saxlayan Ümummilli Liderimiz Heydər Əliyevin Azərbaycana rəhbərliyi dövründə xalqımızın milli oyanışının əsası qoyulub.
Sonda iştirakçıları maraqlandıran sullar cavablandırılıb.
