Press-relizlər / 04.06.2021 / 17:24

İyunun 4-də Dini Qurumlarla İş üzrə Dövlət Komitəsinin (DQİDK) Ucar bölgəsi üzrə şöbəsi və Göyçay şəhəri Mərkəz məscidi dini icmasının birgə təşkilatçılığı ilə “Dini durum və pandemiyaya qarşı mübarizə” adlı  tədbir keçirilib.

Xüsusi karantin rejimi qaydalarına əməl etməklə keçirilmiş tədbirdə DQİDK-nın Ucar bölgəsi üzrə şöbəsinin əməkdaşları Rauf Nəsirov və Nicat İsmayılov, Qafqaz Müsəlmanları İdarəsinin səlahiyyətli nümayəndələri Cavid Səfərov, Rəsul Kazımov, rayonda fəaliyyət göstərən məscidlərin dini icma sədrləri, din xadimləri və dindarlar iştirak ediblər.

Tədbirdə çıxışlar zamanı rayonun mövcud dini durumu ilə bağlı ətraflı söhbət və müzakirələr aparılıb. Koronavirus pandemiyasına qarşı mübarizədə dini icmalar və din xadimlərinin daha aktiv fəaliyyət göstərməsinin əhəmiyyəti vurğulanıb. Eləcə də iyunun 10-dan etibarən məscidlərin açılması, Operativ Qərargahın tərtib etdiyi qaydalarla məscidlərin fəaliyyət göstərməsi ilə bağlı ətraflı müzakirələr aparılıb.