Masallıda 31 mart soyqırımı qurbanları anılıb

Press-relizlər / 30.03.2021 / 13:12

Martın 30-da Dini Qurumlarla İş üzrə Dövlət Komitəsinin (DQİDK) Masallı bölgəsi üzrə şöbəsi, Rəhim Tağıyev adına Masallı Rayon Tarix Diyarşünaslıq muzeyi və “Yeni həyat” qəzetinin birgə təşkilatçılığı ilə 31 mart Azərbaycanlıların soyqırımı gününə həsr olunmuş “31 mart-tarixi yaddaşımızdan silinməyən soyqırımı” mövzusunda onlayn konfrans keçirilib.

Tədbirdə DQİDK-nın Masallı bölgəsi üzrə şöbəsinin müdiri Miryəhya Bədirov və şöbənin əməkdaşları, Rəhim Tağıyev adına Masallı Rayon Tarix Diyarşünaslıq muzeyinin direktoru Əntiqə Tağıyeva, “Yeni həyat” qəzetinin redaktoru Əlihüseyn Şükürov, eləcə də ziyalı və gənclər iştirak ediblər.

Tədbir soyqırımı qurbanlarının xatirəsinin ehtiramla yad edilməsi ilə başlayıb. Giriş sözü ilə çıxış edən Masallı Rayon Tarix Diyarşünaslıq muzeyinin direktoru Əntiqə Tağıyeva qeyd edib ki, Ümummilli Liderimiz Heydər Əliyevin imzaladığı 1998-ci il 26 mart tarixli Fərmanından sonra hər il 31 mart Azərbaycan Respublikasında Azərbaycanlıların soyqırımı günü kimi qeyd edilir. Bu soyqırımı Azərbaycan xalqının və dövlətçiliyinin tarixində baş vermiş faciəli hadisələrə milli yaddaşın təzahürüdür.

DQİDK-nın Masallı bölgəsi üzrə şöbəsinin müdiri Miryəhya Bədirov çıxışında bildirib ki, azərbaycanlıların kütləvi şəkildə qırğını, repressiyalara məruz qalması, doğma yurdlarından sürgün edilməsi və didərgin salınması XX əsr tarixinin ən faciəli və dəhşətli səhifələrindəndir.

“Yeni həyat” qəzetinin redaktoru Əlihüseyn Şükürov Bakı, Şamaxı, Quba qəzalarında, Qarabağda, Zəngəzurda, Naxçıvanda, Lənkəranda və başqa bölgələrdə xüsusi qəddarlıqla həyata keçirilmiş soqırımı haqqında məlumat verib. Qeyd edib ki, erməni qəsbkarları dinc əhalini kütləvi şəkildə qətlə yetirmiş, kəndləri yandırmış, milli-mədəniyyət abidələrimizi məhv etmişdir.


Son baxılan xəbərlər

Mübariz Qurbanlı: "Həcc ziyarəti Səudiyyə Ərəbistanının qərarından asılı olacaq"

Müsahibələr
06.05.2020 / 14:12
Ətraflı oxu

Avropa Şurasının mübadilə görüşündə Azərbaycan multikulturalizminin nailiyyətlərindən danışılıb

Multikulturalizm
14.11.2016 / 15:22
Ətraflı oxu

Ağdaşda “Dini icmalar və gənclər: dini radikalizmlə mübarizə və birgə fəaliyyətin təşkili” mövzusunda seminar-müşavirə ...

Press-relizlər
13.03.2018 / 16:44
Ətraflı oxu

Din xadimləri ilə videokonfrans formatında görüş keçirilib

Xəbərlər
04.07.2020 / 09:59
Ətraflı oxu

Rayonlarda maarifləndirici görüşlər baş tutub

Xəbərlər
10.06.2022 / 10:06
Ətraflı oxu

Hacıqabulda “Dünyəvi dövlətdə dinin yeri və rolu” mövzusunda ikigünlük konfrans başa çatıb

Xəbərlər
14.10.2022 / 18:09
Ətraflı oxu