Press-relizlər / 12.03.2021 / 14:15
Martın 12-də Dini Qurumlarla İş üzrə Dövlət Komitəsinin (DQİDK) Zaqatala bölgəsi üzrə şöbəsinin təşkilatçılığı ilə “Xalqımızın tolerantlıq ənənələrinin və multikulturalizm siyasətinin milli həmrəyliyimizin möhkəmləndirilməsindəki önəmi” mövzusunda videokonfrans keçirilib.
Tədbirdə DQİDK-nın Zaqatala bölgəsi üzrə şöbəsinin müdiri İlqar Vəliyev və şöbənin əməkdaşları, Qafqaz Müsəlmanları İdarəsinin Qax rayonu üzrə səlahiyyətli nümayəndəsi Hacı Əsgərov, Qax rayon S.Vurğun adına Mədəniyyət Mərkəzinin direktoru Kəmalə Məcidova, C.Cabbarlı adına Mərkəzi kitabxananın müdiri Güllü Əhmədova, Qax rayon Gənclərin Karyera Mərkəzinin rəhbəri Elmir Həşimli, rayonda fəaliyyət göstərən dini icma sədrləri, din xadimləri və gənclər iştirak edib.
Çıxışlar zamanı milli birliyimizi, həmrəyliyimizi möhkəmləndirən tolerantlıq ənənələrinin və multikultural dəyərlərin yaşadılmasının, zəngin milli-mənəvi dəyərlərin qorunmasının önəmi vurğulanıb. Xalqımızın Ümummilli Lideri Heydər Əliyevin memarı olduğu müasir Azərbaycanın və azərbaycançılıq məfkurəsinin bu gün ölkə Prezidenti cənab İlham Əliyev tərəfindən uğurla davam etdirilməsi, milli-mənəvi dəyərlərin, tolerantlıq və multikultural dəyərlərin yaşadılması və daha da zənginləşdirilməsi, gənclər arasında geniş təbliğ edilməsi haqqında danışılıb. İşğal altında olan Azərbaycan torpaqlarının, düşmən tapdağından azad edilməsi uğrunda xalqımızın apardığı ədalətli 44 günlük Vətən müharibəsi zamanı böyük tarixi zəfərin eldə edilməsində tolerantlıq ənənələrinin və multikultural dəyərlərin formalaşdırdığı milli birliyin və həmrəyliyin rolu tədbir iştirakçılarının diqqətinə çatdırılıb.
