Dövlət Komitəsinin sədri ABŞ-ın Etnik Anlaşma Fondunun prezidenti və təsisçisi Mark Şnayer ilə görüşüb

Xəbərlər / 04.02.2021 / 16:26

Dini Qurumlarla İş üzrə Dövlət Komitəsinin (DQİDK) sədri Mübariz Qurbanlı fevralın 4-də ölkəmizdə səfərdə olan ABŞ-ın Etnik Anlaşma Fondunun prezidenti və təsisçisi Mark Şnayer ilə görüşüb.

Qonaqları salamlayan Dövlət Komitəsinin sədri bildirib ki, bu gün dinlər və sivilizasiyalararası dialoqun baş tutması üçün əsas şərtə çevrilən və mütərəqqi dünya tərəfindən başlıca demokratik dəyərlərdən biri kimi təbliğ olunan tolerantlıq və multikulturalizm Azərbaycan xalqının əsrlər boyu formalaşan və çoxları üçün örnək olan xarakterik xüsusiyyətidir. Bu dəyərlərin, eləcə də Azərbaycan ilə bağlı həqiqətlərin dünyaya çatdırılmasında yəhudi icmalarının özünəməxsus yeri olduğunu qeyd edən Komitə sədri vurğulayıb ki, Azərbaycanın ərazi bütövlüyünü bərpa etmək uğrunda Müzəffər Ali Baş Komandan İlham Əliyevin rəhbərliyi ilə aparılan 44 günlük Vətən müharibəsində yəhudi vətəndaşlarımız da iştirak edərək digər dinlərin nümayəndələri ilə birgə həmrəylik göstəriblər.

Öz növbəsində ölkə rəhbərliyi tərəfindən milli və etnik icmalara, o cümlədən Azərbaycanda əsrlərlə yaşamış yəhudi icmalarına xüsusi diqqət və qayğının olduğunu söyləyən M.Şnayer etnik müxtəliflik, multikultural mühitə görə Azərbaycanın onlar üçün nümunə olduğunu deyib. Qeyd edilib ki, Azərbaycan təkcə müsəlman aləmində deyil, həmçinin dünya miqyasında yüz illər ərzində tolerantlıq və dözümlülüyün hökm sürdüyü nümunəvi ölkədir. Qonaq vurğulayıb ki, Azərbaycan dövlətinin yürütdüyü siyasətin nəticəsidir ki, burada yaşayan yəhudi və digər icmalar Azərbaycan xalqının tam və bərabərhüquqlu üzvü olmaqla yanaşı, bugün də güclü və inkişaf etmiş Azərbaycanın qurulmasında iştirak edirlər.

ABŞ-ın NBC kanalında hər həftə ravvin kimi çıxışlar etdiyini deyən Mark Şnayer bu gün edəcəyi çıxışında Azərbaycana etdiyi səfərdən, görüşlərdən və buradakı tolerantlıq, birgəyaşayış mühitindən bəhs edəcəyini  də diqqətə çatdırıb.

Görüşün sonunda qonağa DQİDK-nın nəşr etdirdiyi, Azərbaycanda mövcud olan multikulturalizm və tolerantlıq ənənələrindən bəhs edən kitablar təqdim edilib.


Son baxılan xəbərlər

"Dini radikalizm və ekstremizmin yaranma, yayılma metodlarına qarşı mübarizə” mövzusunda maarifləndirici tədbir keçirilib

Press-relizlər
24.01.2018 / 16:03
Ətraflı oxu

Bölgələrdə maarifləndirmə tədbirləri keçirilib

Press-relizlər
24.11.2022 / 10:34
Ətraflı oxu

DQİDK-nın şöbə müdiri ATƏT- in İnsan Ölçüsü üzrə üçüncü Əlavə Görüşündə çıxış edib

Press-relizlər
11.11.2020 / 11:25
Ətraflı oxu

Brüsseldə beynəlxalq konfrans keçirilib

Press-relizlər
06.12.2022 / 15:42
Ətraflı oxu

Ağsuda “Heydər Əliyev və Azərbaycan gəncliyi” mövzusunda tədbir keçirilib

Heydər Əliyev İli
30.01.2023 / 12:19
Ətraflı oxu

Qubada “Dini radikalizmlə mübarizədə gənclərin təşkilatlandırılması” mövzusunda ikigünlük seminar başa çatıb

Press-relizlər
18.11.2017 / 13:36
Ətraflı oxu