Mübariz Qurbanlı: Azərbaycanda müxtəlif mədəniyyətlərə və dinlərə münasibətdə hörmət və tolerantlıq ənənəsi var

Press-relizlər / 01.12.2020 / 16:59

Avropa ilə Asiyanın qovuşuğunda, tarixi İpək Yolu üzərində yerləşən Azərbaycan müsəlmanların, xristianların və yəhudilərin əsrlərlə dinc şəraitdə yaşadıqları və tərəqqi etdikləri dünyəvi ölkədir. Azərbaycanda müxtəlif mədəniyyətlərə və dinlərə münasibətdə hörmət və tolerantlıq ənənəsi var. Müxtəlif dini icmalar ölkəmizin inkişafında fəal rol oynayırlar.

Bu fikirlər Dini Qurumlarla İş üzrə Dövlət Komitəsinin sədri Mübariz Qurbanlının Fransanın “Musulmans en France” portalına müsahibəsində yer alıb.

Mübariz Qurbanlı deyib ki, dini tolerantlıq dövlətin və cəmiyyətin inkişafında mühüm amildir. Tarixən çoxmədəniyyətli və tolerant ənənələrlə zəngin cəmiyyəti olan Azərbaycan dövləti bu ənənələri möhkəmləndirmək siyasətini həyata keçirir. Qeyri-müsəlman, xristian, yəhudi, bəhai və digər dini icmalar cəmiyyətimizin ayrılmaz hissəsidir. Bu icmalar ölkəmizin həyatında fəal rol oynayır. Onların kilsələri, sinaqoqları, ibadət yerləri və abidələri Azərbaycan dövləti tərəfindən tam qorunur.

Komitə sədri qeyd edib ki, Bakı mədəniyyətlərarası dialoq platformasına çevrilib. Azərbaycan Prezidentinin təşəbbüsü olan “Bakı Prosesi”ndən söz açan M.Qurbanlı onun İslam Əməkdaşlıq Təşkilatı ilə Avropa Şurasını bir araya gətirən yeganə dialoq platforması olduğunu vurğulayıb. O, Azərbaycanın mədəniyyət və dini tolerantlıq sahəsində ev sahibliyi etdiyi beynəlxalq tədbirlərdən danışıb.

Bakıda keçirilmiş Dünya dini liderlərinin II Sammiti haqqında məlumat verən sədr 5 qitənin müxtəlif dinlərinin, eləcə də beynəlxalq təşkilatların rəhbərlərinin məhz Azərbaycanın paytaxtında bir araya gəlmələrinin təsadüfi olmadığını bildirib.

Müsahibədə Azərbaycanda bütün dinlərə bərabər əsaslarda münasibət olduğu bildirilib. Ölkəmizdə dünyəvilik və dini dəyərlər arasında ideal tarazlıq olduğu vurğulanıb. Erməni mənşəli Azərbaycan vətəndaşlarının da digər etnik və dini azlıqlar kimi sülh və təhlükəsizlik şəraitində yaşadıqları və dini rituallarını həyata keçirdikləri qeyd olunub. Azərbaycanda guya erməni mədəni və dini abidələrinin dağıdılması ilə bağlı iddialara cavab olaraq bildirilib ki, bu, qətiyyən belə deyil. Əksinə, 30 il idi ki, erməni silahlı qüvvələrinin işğalı altında olan Azərbaycan ərazilərindəki mədəni və dini abidələr ermənilər tərəfindən dağıdılıb.

M.Qurbanlı Azərbaycanın xristian irsini təkcə sərhədləri daxilində deyil, ondan kənarda da restavrasiya edərək qoruduğu diqqətə çatdırıb. O, Heydər Əliyev Fondunun xristian dini abidələrinin restavrasiyası sahəsində həyata keçirdiyi layihələrdən söz açıb.

Komitə sədri Ermənistan-Azərbaycan münaqişəsinin heç vaxt dini xarakterə malik olmadığını vurğulayıb. O bildirib ki, Qarabağda hər iki icmanın üzvləri əvvəllər olduğu kimi, Azərbaycan dövlətinin tamhüquqlu vətəndaşı kimi birlikdə yaşayacaqlar.

Müsahibənin sonunda M.Qurbanlı fransız siyasətçilərə üz tutaraq deyib: “Azərbaycana münasibətdə hər kəsi ədalətli olmağa və beynəlxalq hüquqa riayət etməyə səsləyirik. Çünki ədalətə və beynəlxalq hüquqa riayət olunarsa, yalnız Azərbaycan dəstəklənəcək”.

(AZƏRTAC)


Son baxılan xəbərlər

Kürdəmirdə “İslamın birlik və bərabərliyə verdiyi əhəmiyyət” mövzusunda maarifləndirici tədbir keçirilib

Press-relizlər
15.03.2017 / 17:17
Ətraflı oxu

Bakıda “Dini mərasimlər: ənənəvilik və müasirlik” mövzusunda seminar-müşavirə keçirilib

Press-relizlər
14.09.2018 / 11:43
Ətraflı oxu

Beyləqandakı “N” saylı hərbi hissədə maarifləndirmə tədbiri keçirilib

Press-relizlər
07.08.2019 / 14:44
Ətraflı oxu

Dövlət Komitəsində görüş keçirilib

Xəbərlər
06.03.2020 / 15:04
Ətraflı oxu

Zaqatalada “Dini fanatizm, radikalizm, ekstremizmin mahiyyəti və təhlükələri” mövzusu müzakirə edilib

Xəbərlər
11.05.2023 / 17:51
Ətraflı oxu

Hərbi dənizçilərlə Dini Qurumlarla İş üzrə Dövlət Komitəsi nümayəndələrinin görüşü olub

Press-relizlər
28.09.2018 / 10:34
Ətraflı oxu