Səyyad Salahlı: “Azərbaycanda bütün dini icmaların azad fəaliyyətinə tam şərait yaradılıb”

Press-relizlər / 25.02.2020 / 15:00

Fevralın 24-ü və 25-i tarixlərində Dini Qurumlarla İş üzrə Dövlət Komitəsi (DQİDK) və Ağsu Rayon İcra Hakimiyyətinin (RİH) birgə təşkilatçılığı ilə “Müasir reallıqlar kontekstində dövlət və din” mövzusunda ikigünlük seminar-müşavirə keçirilib.

Ağsu şəhərində keçirilən tədbirdə hüquq mühafizə orqanlarının əməkdaşları, din xadimləri, dini icma sədrləri, gənclər və ictimaiyyətin digər nümayəndələri iştirak ediblər. Seminar-müşavirəni giriş sözü ilə açan RİH-in məsul əməkdaşı Kənan Tacızadə rayondakı dini durum barədə ətraflı məlumat verib. Eyni zamanda, natiq mövzunun əhəmiyyətini yüksək qiymətləndirib.

Daha sonra çıxış edən DQİDK sədrinin birinci müavini Səyyad Salahlı vurğulayıb ki, respublikamız unitar, hüquqi, demokratik, dünyəvi dövlətdir və Azərbaycanda dövlət-din münasibətləri yüksək səviyyədədir. Səyyad Salahlının sözlərinə görə, ölkəmizdə “Dini etiqad azadlığı” haqqında Qanun da qəbul edili. “Bütün dini icmaların azad fəaliyyətinə tam şərait yaradılıb ki, bu da Azərbaycanı tolerantlıq baxımından dünyanın ən qabaqcıl ölkələri sırasına yüksəldir”,- deyə sədrin birinci müavini əlavə edib.

Səyyad Salahlı onu da qeyd edib ki, müstəqilliyin ilk illərində olduğu kimi bu gün də ölkədə xaricdən qaynaqlanan bəzi qüvvələr tərəfindən dindən siyasi məqsəd üçün istifadə edilməsi, dini fanatizmin yaranması istiqamətində cəhdlər davam etməkdədir. Dövlət Komitəsi sədrinin birinci müavini deyib ki, lakin bu cür cəhdlərin qarşısı qətiyyətlə alınmaqdadır. Natiq çıxışında dini radikalizmə və dini xurafata qarşı mübarizənin əhəmiyyətini və aktuallığını diqqətə çatdırıb. Vurğulayıb ki, bütün problemlərin həlli dini mükəmməl şəkildə öyrənməkdən keçir.

Çıxış edən DQİDK-nın Şamaxı bölgəsi üzrə şöbəsin müdiri vəzifəsini icra edən Elnur Mehdiyev və digər tədbir iştirakçıları mövzu ilə bağlı fikirlərini səsləndiriblər. İkigünlük seminar-müşavirə müzakirələrlə başa çatıb.

 


Son baxılan xəbərlər

Dövlət Komitəsinin sədri Özbəkistan Prezidentinin müşaviri ilə görüşüb

Press-relizlər
13.11.2019 / 18:01
Ətraflı oxu

Dini Qurumlarla İş üzrə Dövlət Komitəsində “Könüllü fəaliyyət” layihəsinin təqdimatı keçirilib

Könüllü fəaliyyət
24.05.2019 / 17:07
Ətraflı oxu

BDU-da “Prezident İlham Əliyevin siyasəti, güclü Azərbaycan, dayanıqlı sabitlik” mövzusunda tədbir keçirilib

Press-relizlər
11.03.2019 / 17:32
Ətraflı oxu

Cəzaçəkmə müəssisələrində məhkumların dini etiqad azadlığı tam təmin edilir

Press-relizlər
26.07.2017 / 17:07
Ətraflı oxu

“Sülh aylığı” çərçivəsində Qəbələdə tədbir keçirilib

Press-relizlər
28.08.2018 / 14:12
Ətraflı oxu

Zaqatalada multikulturalizm mövzusunda tədbir keçirilib

Press-relizlər
19.04.2016 / 18:12
Ətraflı oxu