Press-relizlər / 26.11.2019 / 14:46

Noyabrın 26-da Dini Qurumlarla İş üzrə Dövlət Komitəsinin (DQİDK) Şəki bölgəsi üzrə şöbəsinin təşkilatçılığı ilə Şəki şəhər Mirzə Fətəli Axundov adına 2 saylı tam orta məktəbində şagird və müəllimlərin iştirakı ilə “Narkomaniya, erkən nikah, dini radikalizm və onun fəsadları” mövzusunda tədbir keçirilib.
Tədbirdə DQİDK-nın Şəki bölgəsi üzrə şöbəsinin aparıcı məsləhətçisi Yusif Yusifli və Şəki Şəhər-Rayon Polis Şöbəsinin Dövlət Yol polis bölməsinin təbliğat və təşviqat üzrə inspektoru, polis baş leytenantı Tural Niftəliyev, eləcə də məktəbin direktoru Tamella Mustafayeva iştirak ediblər.

Çıxış edənlər gənclərin narkomaniya, erkən nikah, dini radikalizm və digər bu kimi zərərli vərdişlərdən uzaqlaşdırılması, bu sahədə qarşıda duran vəzifələr barədə danışıblar. Dini radikalizm, qeyri-ənənəvi dini cərəyanlar haqqında geniş məlumat verilib, radikallığın, zərərli vərdişlərin İslam dinində qəbul edilmədiyi vurğulanıb.

Sonda iştirakçıları maraqlandıran suallar cavablandırılıb.