Press-relizlər / 25.11.2019 / 15:25

Noyabrın 25-də Dini Qurumlarla İş üzrə Dövlət Komitəsinin (DQİDK) İmişli bölgəsi üzrə şöbəsi və Saatlı rayonu Qarayevkənd kənd məscidi dini icmasının birgə təşkilatçlığı ilə “Vəhdət mənəvi dəyərimizdir” mövzusunda  maarifləndirici tədbir keçirilib.

Tədbirdə DQİDK-nın İmişli bölgəsi üzrə şöbəsinin əməkdaşı Elvin İbrahimov, Saatlı rayon Qarayevkənd kənd məscidi dini icmasının sədri İsmayıl Calalov, dini icmanın üzvləri, dindarlar və gənclər iştirak ediblər.

Çıxışlarda vurğulanıb ki, Azərbaycanda müxtəlif dinlərə və məzhəblərə məxsus insanların dinc şəraitdə və qarşılıqlı hörmət əsasında yaşaması dövlətimizin məqsədyönlü siyasəti, xalqımızın bu siyasətə göstərdiyi dəstək nəticəsində mümkün olub. Qeyd edilib ki,  ölkəmizdə dinlərarası və millətlərarası münasibətlər ən yüksək səviyyədədir.

Sonda tədbir iştirakçılarını maraqlandıran suallar cavablandırılıb.