Dövlət Komitəsində görüş keçirilib

Xəbərlər / 22.10.2019 / 13:06

Dini Qurumlarla İş üzrə Dövlət Komitəsinin (DQİDK) sədri Mübariz Qurbanlı oktyabrın 22-də Türkiyənin Azərbaycandakı səfiri Erkan Özoral və səfirliyin yeni dini işlər üzrə müşaviri Zəki Yavuzyılmaz ilə görüşüb.

Müşavirə yeni işində uğurlar arzulayan Mübariz Qurbanlı Azərbaycan-Türkiyə arasındakı dost və qardaş münasibətlər barədə danışıb. DQİDK sədri bütün sahələrdə olduğu kimi din sahəsində də iki ölkə arasında əlaqələrin yüksələn xətlə inkişaf etdiyini bildirib. Qeyd edib ki, bu əlaqələrin inkişafında Türkiyənin ölkəmizdəki səfirliyinin, o cümlədən Din İşləri üzrə Müşavirliyin böyük xidmətləri var.

Eyni zamanda, görüş zamanı Dövlət Komitəsinin sədri dövlət-din münasibətləri, Konstitusiyada təsbit edilmiş vicdan azadlığı, ölkəmizdə hökm sürən tolerantlıq mühiti, ayrı-ayrı dinlər və konfessiyalar arasında qarşılıqlı hörmət və etimada əsaslanan əməkdaşlıq münasibətləri haqqında, eləcə də bu münasibətlərin tənzimlənməsi sahəsində fəaliyyət göstərən Dini Qurumlarla İş üzrə Dövlət Komitəsi barədə məlumat verib.

Səmimi qəbula görə təşəkkürünü bildirən Türkiyənin Azərbaycandakı səfiri Erkan Özoral Azərbaycanda insanların milli-mənəvi dəyərlərə bağlılığının, ölkəmizdə dini etiqad azadlığının təmin edilməsinin və dövlət-din münasibətlərinin yüksək səviyyədə olmasının təqdirəlayiq hal olduğunu bildirib.

Dini işlər üzrə müşavir Zəki Yavuzyılmaz məhz Azərbaycanda fəaliyyətə başlamasının onun üçün sevindirici hal olduğunu deyib. Ölkələrimiz arasında dini sahədə tərəfdaşlıq münasibətlərinin inkişafı üçün əlindən gələni əsirgəməyəcəyini qeyd edən müşavir qarşılıqlı əlaqələrin daha da gücləndirilməsi və genişləndirilməsi perspektivlərinin əhəmiyyətinə toxunub.

Görüşün sonunda qonaqlara DQİDK-nın ölkəmizdəki dini tolerantlıq mühiti və maddi-mədəni irsimizə qarşı törədilən erməni vandalizmi haqqında nəşr etdirdiyi kitablar təqdim edilib.


Son baxılan xəbərlər

İslam dininə aid ibadət yerlərində (məscidlər) vakant vəzifələrin tutulması üçün müsahibə elan edilir

Xəbərlər
24.05.2022 / 14:25
Ətraflı oxu

Mübariz Qurbanlı: "Bu gün dini radikal qrupların Azərbaycanda nə ideoloji, nə iqtisadi, nə də ...

Müsahibələr
29.12.2018 / 10:46
Ətraflı oxu

Mübariz Qurbanlı: “Baş yarmaq, qan çıxarmaq İslama ziddir, günahdır”

Açıqlama
17.08.2019 / 10:08
Ətraflı oxu

Gündüz İsmayılov: "ABŞ Dövlət Departamentinin adıçəkilən hesabatını obyektiv qəbul etmirik”

Xəbərlər
16.06.2020 / 11:25
Ətraflı oxu

Prezident İlham Əliyev: "Ermənistan dini abidələrimizi dağıdıb, işğal edilmiş ərazilərdə etnik təmizləmə siyasəti ...

Xəbərlər
03.09.2020 / 12:24
Ətraflı oxu

Dövlət Komitəsində görüş keçirilib

Press-relizlər
20.07.2018 / 12:38
Ətraflı oxu