Press-relizlər / 20.09.2019 / 11:15

Sentyabrın 20-də Dini Qurumlarla İş üzrə Dövlət Komitəsinin (DQİDK) Masallı bölgəsi üzrə şöbəsi və Rəhim Tağıyev adına Masallı rayon Tarix-Diyarşünaslıq muzeyinin birgə təşkilatçılığı ilə “Gənclərin tərbiyəsində mənəvi dəyərlərimizin rolu” mövzusunda tədbir keçirilib.

Tədbirdə  DQİDK-nın Masallı bölgəsi üzrə şöbəsinin əməkdaşı Ayıq Səmədov, Tarix-Diyarşünaslıq muzeyinin direktoru Əntiqə Tağıyeva və gənclər iştirak ediblər.

Tədbiri giriş sözü ilə açan Tarix-Diyarşünaslıq muzeyinin direktoru Əntiqə Tağıyeva qeyd edib ki, hər bir xalqın tarixi yetkinləşmə və təkamül prosesinin ümdə qayəsini dövlətçilik ənənələri ilə yanaşı, həm də zəngin milli-mənəvi irsi, pak və ali dəyərləri müəyyən edir.     

DQİDK-nın Masallı bölgəsi üzrə şöbəsinin əməkdaşı Ayıq Səmədov vurğulayıb ki, milli dəyərlərin qorunması və gənc nəslə aşılanması cəmiyyət üçün həmişə aktualdı. Gənclərin ədalət və düzgünlük, humanizm, vətənpərvərlik, xeyirxahlıq, mərhəmət, cəsarət və şücaət, mərdlik ruhunda tərbiyə edilməsində mənəvi dəyərlərimizin böyük rolu olduğunu bildirib. 

Daha sonra çıxış edən Masallı rayon Dövlət Rəsm Qalereyasının müdiri vəzifəsini icra edən Təhmasib Məcidli və başqaları çıxışlarında mövzu ətrafında fikirlərini bildiriblər.

Tədbirin sonunda Tarix-Diyarşünaslıq muzeyində yaradılmış şəhidlərimizin qəhrəmanlığından bəhs edən sərgiyə baxış keçirilib.