Beyləqanda “N” saylı hərbi hissədə maarifləndirmə tədbiri keçirilib

Press-relizlər / 21.06.2019 / 16:09

İyunun 21-də Azərbaycan Respublikasının Müdafiə Nazirliyi və Dini Qurumlarla İş üzrə Dövlət Komitəsi tərəfindən birgə imzalanan "Tədbirlər Planına" əsasən  DQİDK-nın İmişli bölgəsi üzrə şöbəsinin və Beyləqan rayon “N” saylı hərbi  hissənin birgə təşkilatçlığı ilə Dini radikalizmə və ekstremizmə qarşı mübarizədə milli-mənəvi dəyərlərimizin rolu” mövzusunda  maarifləndirici  tədbir keçirilib.

Tədbirdə Dini Qurumlarla İş üzrə Dövlət Komitəsinin İmişli bölgəsi üzrə şöbəsinin əməkdaşı Bəhrəm Ədalət oğlu, Beyləqan rayon “N” saylı hərbi hissənin zabiti,  mayor  Sərxan  Bayramov, "N” saylı hərbi hissənin  komandirinin şəxsi heyətlə iş üzrə müavini, bölmə rəisi mayor Elşən Qurbanov, Beyləqan rayonu Şəfəq Cərcis Peyğəmbər ziyarətgah məscidinin imam müavini  Məhəmməd Sadıqov,  hərbi qulluqçular və şəxsi heyət iştirak ediblər.

Tədbiri giriş sözü ilə “N” hərbi hissənin zabiti, mayor Sərxan  Bayramov 26 iyun Silahlı Qüvvələr Günü münasibəti ilə bütün hərbiçiləri  və şəxsi heyəti təbrik edərək, Vətən naminə müqəddəs və şərəfli xidmətlərində hər birinə uğurlar arzulayıb. O, bildirib ki, Müdafiə Nazirliyinin rəhbərliyi Silahlı Qüvvələrin şəxsi heyətinin milli-mənəvi dəyərlər ruhunda tərbiyəsinə xüsusi önəm verir və bu istiqamətdə məqsədyönlü iş aparılır. Bu cür maarifləndirmə tədbirlərinin keçirilməsinin milli-mənəvi dəyərlərimizin təbliğiində böyük əhəmiyyətə malik olduğunu vurğulayıb.

“N” saylı hərbi hissənin komandirinin şəxsi heyətlə iş üzrə müavini, bölmə rəisi mayor Elşən Qurbanov, gənclərin dini radikalizmdən uzaq olmalarının vacibliyini qeyd edərək, onların milli-mənəvi dəyərlər və vətənpərvərlik ruhunda tərbiyə olunmasının zəruriliyini qeyd edib. 

DQİDK-nın İmişli bölgəsi üzrə şöbənin əməkdaşı Bəhrəm Ədalətoğlu xalqımızın əsrlər boyu sahib olduğu milli-mənəvi dəyərlərin qorunub saxlanılması, vicdan azadlığının təmin olunması, ölkədə dövlət-din münasibətlərinin demokratik əsaslar, ümumbəşəri dəyərlər və dünyəvilik zəminində formalaşdırılması istiqamətində görülən tədbirlər barədə danışıb.

Qarallar kənd məscidi dini icmasının sədri Səbuhi  İbadov İslam dinində şəhidlik, Vətən anlayışı, dinimizin Vətən uğrunda mübarizəyə verdiyi dəyər barədə iştirakçılara ətraflı məlumat verib.

Sonunda  tədbir iştirakçılarını maraqlandıran sullar cavablandırılıb.


Son baxılan xəbərlər

Maarifləndirmə tədbirləri davam etdirilir

Press-relizlər
31.10.2018 / 17:25
Ətraflı oxu

Multikulturalizm xalqımızın həyat fəlsəfəsidir

Multikulturalizm
07.02.2017 / 16:50
Ətraflı oxu

Azərbaycan Yeparxiyasının arxiyepiskopu Aleksandrın vəfatı ilə əlaqədar nekroloq imzalanıb

Xəbərlər
11.06.2021 / 15:16
Ətraflı oxu

“İslam həmrəyliyi sülh və birlik nümunəsidir” mövzusunda maarifləndirici tədbir keçirilib

Press-relizlər
22.08.2017 / 15:09
Ətraflı oxu

31 mart - Azərbaycanlıların Soyqırımı Günü

Xəbərlər
31.03.2014 / 14:47
Ətraflı oxu

“Uşaq hüquqları aylığı” çərçivəsində növbəti tədbir keçirilib

Press-relizlər
27.10.2017 / 16:08
Ətraflı oxu