Zaqatalada maarifləndirmə tədbiri keçirilib

Xəbərlər / 13.02.2019 / 15:23

Fevralın 12-də Zaqatala Rayon İcra Hakimiyyəti, Dini Qurumlarla İş üzrə Dövlət Komitəsinin (DQİDK) Zaqatala bölgəsi üzrə şöbəsinin və Zaqatala Rayon Təhsil Şöbəsinin birgə təşkilatçılığı ilə Yuxarı Tala kənd 4 saylı tam orta məktəbində “Mənəvi dəyərlərə sadiq Azərbaycan gəncliyi” adlı tədbir keçirilib.

Tədbirdə DQİDK-nın Zaqatala bölgəsi üzrə şöbəsinin müdiri vəzifəsini icra edən İlqar Vəliyev, Təhsil Şöbəsinin nümayəndəsi İlkin Məmmədov və məktəbin direktoru Almaz Abdurahmanova, müəllimlər və yuxarı sinif şagirdləri iştirak ediblər.

Tədbiri giriş sözü ilə açan məktəbin direktoru Almaz Abdurahmanova keçirilən tədbirin əhəmiyyətindən danışıb. Məktəbin direktoru Azərbaycan xalqının zəngin mənəvi dəyərlər sistemindən ətraflı məlumat verib. O, gənclərin milli-mənəvi dəyərlərə sadiq, vətənpərvər şəxs olaraq formalaşmasında milli-mənəvi dəyərlərin rolunu vurğulayıb. 

DQİDK-nın Zaqatala bölgəsi üzrə şöbəsinin müdiri vəzifəsini icra edən İlqar Vəliyev Azərbaycanda əsası Ulu Öndər Heydər Əliyev tərəfindən qoyulmuş və bu gün ölkə Prezidenti cənab İlham Əliyev tərəfindən böyük uğurla həyata keçirilən dövlət-din münasibətlərindən, milli-mənəvi dəyərlərin qorunması sahəsində görülən tədbirlərdən, Azərbaycan multikulturalizmi və ölkədə mövcud olan yüksək tolerantlıqdan bəhs edib. Müasir Azərbaycan gəncliyinin cəmiyyətimizdəki yeri və rolunu qeyd edərək aparıcı qüvvə olmasını bildirib.

 Təhsil Şöbəsinin nümayəndəsi İlkin Məmmədov çıxışında gəncliyin qarşısında duran əsas vəzifələrdən danışaraq, mənəvi dəyərlərin və adət-ənənələrin vətənini sevən hər bir şəxs üçün müqəddəs və önəmli olduğunu bildirib, müasir gəncliyin milli-mənəvi dəyərlərə sadiqliyindən danışıb.

Daha sonra DQİDK-nın sifarişi ilə çəkilmiş “Şəhadət” sənədli filmi nümayiş etdirilib.

Sonda tədbir iştirakçılarını maraqlandıran suallar cavablandırılıb. 


Son baxılan xəbərlər

“Narkomaniyaya qarşı mübarizə istiqamətində din xadimlərinin müxtəlif platformalarda söhbət və çıxışlarının təşkili” mövzusu müzakirə ...

Xəbərlər
17.03.2021 / 15:33
Ətraflı oxu

Prezident İlham Əliyev: "30 il ərzində Qarabağda və Zəngəzurda bütün Azərbaycan mədəniyyəti, tarixi, dini ...

Xəbərlər
02.03.2022 / 17:27
Ətraflı oxu

XII Beynəlxalq Multikulturalizm Yay Məktəbi layihəsinin iştirakçıları Dövlət Komitəsində olublar

Xəbərlər
30.07.2022 / 14:22
Ətraflı oxu

Dini Qurumlarla İş üzrə Dövlət Komitəsinin sədri Mübariz Qurbanlı Yeni Tv-nin qonağı olub

Xəbərlər
18.02.2020 / 15:30
Ətraflı oxu

“Həmrəylik – dini radikalizm və ekstremizmə qarşı mübarizədə effektiv vasitə” mövzusunda tədbir keçirilib

Press-relizlər
23.01.2018 / 14:33
Ətraflı oxu

Prezident İlham Əliyev Azərbaycanda dini qurumlara maliyyə yardımı göstərilməsi haqqında Sərəncam imzalayıb

Xəbərlər
12.06.2018 / 10:01
Ətraflı oxu