Azərbaycan İlahiyyat İnstitutuna sənəd qəbulu davam edir

Press-relizlər / 20.08.2018 / 15:23

Azərbaycan İlahiyyat İnstitutunun islamşünaslıq ixtisasına qəbulla bağlı müsahibənin ikinci mərhələsinə yekun vurulub. Müsahibədən keçmiş abituriyentlər 20 avqust 2018-ci il tarixdə günün sonuna qədər ixtisas seçimində iştirak etməlidirlər. Məlumat üçün bildiririk ki, həmin gün ixtisas seçiminin sonuncu günüdür.
Eyni zamanda, Azərbaycan İlahiyyat İnstitutuna qəbul olunmuş abituriyentlərin sənədlərinin qəbulu davam edir. Qeydiyyat avqustun 28-dək (şənbə, bazar və bayram günləri istisna olmaqla) saat 10:00-dan 17:00-dək aparılacaq.
Boş qalan yerlərə qəbul olunan abituriyentlərin sənəd qəbulu isə avqustun 24-dən sentyabrın 3-dək həyata keçiriləcək.
Bütün abituriyentlər qeyd olunan tarixlərdə sənədlərini Azərbaycan İlahiyyat İnstitutuna təqdim etməlidirlər.
Abituriyentlər qeydiyyat zamanı aşağıdakı sənədləri təqdim etməlidir.
1. Tam orta təhsil haqqında sənədin (attestat) əsli və ya təhsilin əvvəlki mərhələsini bitirdiyi barədə sənədin əsli (kollec və ya ali təhsil müəssisəsinin 2017-2018-ci tədris ili məzunları üçün həmin təhsil müəssisəsini bitirmələri haqqında arayış və ya diplom);
2. Abituriyentin Azərbaycan İlahiyyat İnstitutuna qəbul olunması ilə bağlı DİM-in müsabiqə nəticələri haqqında çap edilmiş vərəqi (DİM-in saytından çap edilir) - 3 nüsxə;
3. Şəxsiyyət vəsiqəsinin əsli və surəti - 3 nüsxə; 
4. İlkin hərbi qeydiyyata alınma haqqında vəsiqənin əsli və surəti (oğlanlar üçün) - 3 nüsxə;
5. Tibbi (sağlamlıq haqqında) arayış (Forma 086);
6. Fotoşəkil (ağ fonda) 3×4 ölçüdə - 6 ədəd;
7. Həmçinin qeydiyyat zamanı abituriyentin iş nömrəsi və şəxsi kabinetin istifadəçi adı (FİN) özündə olmalıdır.
Sənəd qəbulu zamanı abituriyent öz ərizəsini təsdiq etmək üçün iş nömrəsini və şifrəsini təqdim etməklə mütləq elektron qeydiyyatdan keçməlidir.
Sənədlərin qəbulu Yasamal rayonu Əhməd Cəmil küç. 41A ünvanında (Bakı Dövlət Universitetinin keçmiş İlahiyyat fakültəsinin inzibati binasında) aparılacaqdır.

Son baxılan xəbərlər

“İşğal altındakı tarixi-dini abidələrimiz” kitabı alman dilində nəşr olunub

Kitablar
09.08.2018 / 16:16
Ətraflı oxu

Pirallahı və Xəzər rayonlarının müəllimlərinin iştirakı ilə "Dini təhsil, dini tərbiyə və dünyəvilik" mövzusunda ...

Press-relizlər
28.06.2019 / 15:35
Ətraflı oxu

Dini Qurumlarla İş üzrə Dövlət Komitəsinin sədri Biləsuvarda vətəndaşların müraciətlərini dinləyib

Press-relizlər
22.12.2016 / 13:49
Ətraflı oxu

Gündüz İsmayılov: “Azərbaycan xalqı hər zaman tolerantlığı ilə seçilib”

Press-relizlər
19.11.2019 / 15:31
Ətraflı oxu

Milli Mətbuat Gününə həsr olunmuş “Din və media” mövzusunda konfrans keçirilib

Xəbərlər
23.07.2019 / 16:50
Ətraflı oxu

Nic qəsəbəsindəki Alban kilsəsi Heydər Əliyev Fondu tərəfindən əsaslı təmir və bərpa edilərək istifadəyə ...

Xəbərlər
07.11.2020 / 15:41
Ətraflı oxu