Hərbi hissədə maarifləndirmə tədbiri keçirilib

Press-relizlər / 28.08.2018 / 10:52

Avqustun 28-də Daxili Qoşunların Gəncədəki  N saylı hərbi hissəsi və Dini Qurumlarla İş üzrə Dövlət Komitəsinin Gəncə bölgəsi üzrə şöbəsi birgə tədbirlər planına uyğun olaraq “Azərbaycanda ənənəvi İslam və xarici təsirlər” mövzusunda dini marifləndirmə tədbiri təşkil edib.

Tədbirdə hərbi hissə komandirinin təlim-tərbiyə işləri üzrə müavini mayor Surxay Gülməmmədov,  DQİDK-nın Gəncə bölgəsi üzrə şöbəsinin müdiri  Asif  Əliyev, hərbi hissənin zabit və əsgər heyəti iştirak edib.

Tədbirdə həmçinin DQİDK-nın sifarişi ilə ərsəyə gəlmiş torpaqlarımızın bütövlüyü uğrunda canlarından keçmiş şəhidlərimizin xatirəsinə həsr olunmuş “Şəhadət” sənədli filmi nümayiş etdirilib, mövzu ilə bağlı çıxışlar edilib və iştirakçıları maraqlandıran suallar cavablandırılıb. 

Çıxış edənlər dünyanın bir çox ölkələrinin dini ekstremizm və terrordan ciddi əziyyət çəkdiyini qeyd edib,  bildiriblər ki, bu gün dünyada, əsasən də müsəlman ölkələrində sabitliyin pozulmasında din amilindən istifadə etmək istəyən qüvvələr var.

Həmçinin bildirilib ki, ölkəmiz dünyəvilik prinsiplərinə əsaslanmaqla multikultural dəyərləri yaşatmaqda və inkişaf etdirməkdədir. Azərbaycan bu sahədə tarixi təcrübəyə malikdir və ölkəmizdə müxtəlif etnik, dini qrupların birgəyaşayış mühiti sağlam təməllər üzərində qurulub. Azərbaycan dövlətinin bu mövzuya hər zaman həssas yanaşdığı vurğulanıb, dövlətimizin multikulturalizmi və dini tolerantlığı dövlət siyasətinə çevirməklə bu şəraiti ölkəmizdə nümunəvi bir şəkildə formalaşdırdığı bildirilib

Son baxılan xəbərlər

Lənkəranda “Məktəblilərin radikal dini düşüncələrdən qorunmasında maarifləndirmənin əhəmiyyəti” mövzusunda tədbir keçirilib

Press-relizlər
14.04.2017 / 15:03
Ətraflı oxu

Azərbaycanın nümunəvi din siyasəti: uğurlarımız və perspektivlər

Xəbərlər
14.01.2016 / 17:39
Ətraflı oxu

Zaqatalada “Milli-mənəvi və dini dəyərlərimizi qoruyaq” adlı tədbir keçirilib

Xəbərlər
22.01.2019 / 12:14
Ətraflı oxu

“Erkən nikah problemi və ona qarşı mübarizə yolları” adlı onlayn seminar-treninq keçirilib

Xəbərlər
17.06.2021 / 17:31
Ətraflı oxu

Qubada 27 sentyabr – Anım Günü ilə əlaqədar Şəhidlər xiyabanı ziyarət olunub

Press-relizlər
22.09.2021 / 15:45
Ətraflı oxu

Cəzaçəkmə müəssisələrində “Azərbaycanda birgəyaşayış ənənələri” mövzusunda tədbir keçirilib

Press-relizlər
10.07.2017 / 15:12
Ətraflı oxu