Press-relizlər / 23.10.2018 / 16:02

Oktyabrın 23-də Rafiq İsmayılov adına Xızı şəhər tam orta məktəbində “Uşaq Aylığı” çərçivəsində “Uşaqların zərərli vərdişlərdən qorunmasında milli-mənəvi dəyərlərin rolu” mövzusunda tədbir keçirilib.

Tədbirdə məktəbin direktoru Fazil Məmmədov, Xızı Rayon İcra Hakimyyəti başçısı Aparatının əməkdaşı Mövlam Rüstəmli, DQİDK-nın Sumqayıt bölgəsi üzrə şöbənin əməkdaşı Abdulla Hüseynov, müəllim və şagirdlər iştirak ediblər.

Tədbiri giriş sözü ilə açan məktəbin direktoru Fazil Məmmədov gənclərin zərərli vərdişlərdən qorunmasının zərurliyindən danışıb. O, bu istiqamətdə həyata keçirilən marrifləndirmə tədbirlərindən də danışıb.

Xızı Rayon İcra Hakimiyyəti başçısı Aparatının əməkdaşı Mövlam Rüstəmli çıxışında zərərli vərdişlərin gənclərin sağlamlığına, cəmiyyətin sosial həyatına olan mənfi təsirlərindən danışıb.

DQİDK-nın Sumqayıt bölgəsi üzrə şöbəsinin əməkdaşı Abdulla Hüseynov isə qeyd edib ki, uşaqlarda güclü iradə formalaşdırmaq lazımdır. Onun sözlərinə görə, bu, onlara gələcəkdə öz həyat tərzlərini sağlam təməllər əsasında formalaşdırmağa imkan verəcək.

Tədbir iştirakçıları maraqlandıran sualların cavablandırılması ilə yekunlaşıb.