Sumqayıtda “Gənclərin radikalizmdən mühafizə edilməsi” mövzusunda tədbir keçirilib

Press-relizlər / 08.06.2018 / 16:57

İyunun 8-də Dini Qurumlarla İş üzrə Dövlət Komitəsinin Sumqayıt bölgəsi üzrə şöbəsinin, Zəngilan Rayon İcra Hakimiyyətinin və Zəngilan rayon Gənclər və İdman İdarəsinin birgə təşkilatçılığı ilə Zəngilan rayon 23 saylı tam orta məktəbində “Gənclərin radikalizmdən mühafizə edilməsi” mövzusunda maarifləndirici tədbir həyata keçirilib.
DQİDK-nın Sumqayıt bölgəsi üzrə şöbəsinin əməkdaşı Orxan Axundovun, Zəngilan RİH-in İctimai-siyasi və humanitar məsələlər şöbəsinin müdir müavini - dini qurumlarla işin təşkilatçısı Şənlik Əliyevin, Zəngilan rayon Gənclər və İdman İdarəsinin rəisi Natiq Quluzadənin, məktəbin direktoru Ramiz Qulamovun, tədris ocağının müəllim və şagird kollektivinin iştirak etdiyi görüşdə natiqlər dövlətin gənclər siyasəti haqqında ətraflı məlumat verib.  
Giriş sözü ilə çıxış edən Şənlik Əliyev bildirib ki, bugün ölkəmizdə gənclərin vətənpərvər ruhda yetişməsi üçün dövlət tərəfindən məqsədyönlü siyasət yeridilir. Bununla bağlı bir sıra nümunədən söz açan natiq vurğulayıb ki, ölkə başçısı gənclərlə əlaqəli bütün sahələri dövlət siyasətinin prioritet məsələləri sırasında daim diqqətdə saxlayır.
Tədbirdə söz alan DQİDK-nın Sumqayıt bölgəsi üzrə şöbəsinin əməkdaşı Orxan Axundov Komitənin tarixi, gördüyü işlər, qarşıda duran vəzifələr və fəaliyyət istiqamətləri haqqında iştirakçılara ətraflı məlumat verib. Radikal meyillərin tarixi, təbliğatı və hədəf kütlələri barədə də tədbirdəkiləri maarifləndirən şöbə əməkdaşı bu kimi neqativliklərdən qorunmaq naminə dövlətin həyata keçirdiyi tədbirlərdən bəhs edib.
Daha sonra Zəngilan rayon Gənclər və İdman İdarəsinin rəisi Natiq Quluzadə çıxış edərək bildirib ki, təhsil və idmanın gənclərin inkişafında çox mühüm rolu var, məhz bu iki uğurlu sahə sayəsində gənclər radikal meyillərdən və zərərli vərdişlərdən uzaq qalırlar. Dövlətin gənclər və idman sahəsindəki qayğısına toxunan idarə rəisi bununla bağlı gələcək planlardan da söz açıb.
Toplantıda çıxış edən Zəngilan rayon 23 saylı tam orta məktəbin direktoru Ramiz Qulamov bu cür maarifləndirici tədbirlərin əhəmiyyətindən danışaraq təşkilatçılara təşəkkürünü bildirib.
Tədbirin sonunda DQİDK-nın sifarişi ilə çəkilən “Şəhadət” sənədli filmi nümayiş etdirilib və iştirakçıları maraqlandıran suallar cavablandırılıb.
 


Son baxılan xəbərlər

Prezident İlham Əliyev 2018-ci ilin idman yekunlarına həsr olunan mərasimdə iştirak edib

Xəbərlər
13.12.2018 / 15:24
Ətraflı oxu

Gədəbəydə "Zəfərə aparan yol: milli-mənəvi dəyərlərimiz" mövzusunda tədbir keçirilib

Press-relizlər
01.11.2021 / 17:14
Ətraflı oxu

Şirvanda “Radikalizmə qarşı mübarizədə gənclərin rolu” mövzusunda seminar keçirilib

Xəbərlər
19.05.2022 / 09:41
Ətraflı oxu

Dövlət Komitəsi daha 10 dini icmaya maliyyə vəsaiti ayırdı

Press-relizlər
22.09.2016 / 12:48
Ətraflı oxu

Prezident İlham Əliyev və birinci xanım Mehriban Əliyeva Şuşada Yuxarı Gövhər Ağa məscidini ziyarət ...

Xəbərlər
27.09.2022 / 18:12
Ətraflı oxu

“Dini fanatizm, radikalizm və ekstremizmin mahiyyəti və təhlükələri” mövzusunda onlayn seminar keçirilib

Press-relizlər
04.05.2021 / 12:55
Ətraflı oxu