Lerikdə “Vətənpərvərliyin təbliği dini radikalizmə qarşı mübarizə vasitəsi kimi” mövzusunda tədbir keçirilib

Press-relizlər / 15.05.2018 / 16:20

Mayın 15-də Dini Qurumlarla İş üzrə Dövlət Komitəsinin (DQİDK) Lənkəran bölgəsi üzrə şöbəsinin təşkilatçılığı ilə Lerik rayonu Rəşid Nurullayev adına Cəngəmiran kənd tam orta məktəbində “Vətənpərvərliyin təbliği dini radikalizmə qarşı mübarizə vasitəsi kimi” mövzusunda tədbir keçirilib.
Tədbirdə DQİDK-nın Lənkəran bölgəsi üzrə şöbəsinin əməkdaşı Azər Həsənov, Cəngəmiran kənd tam orta məktəbinin direktoru Müqəddəs Feyruzov, müəllimlər və şagirdlər iştirak ediblər.
Tədbiri giriş sözü ilə açan Cəngəmiran kənd tam orta məktəbinin direktoru Müqəddəs Feyruzov çıxışında ölkə gənclərinin milli-mənəvi dəyərlərə, yüksək mənəvi-əxlaqi və vətənpərvərlik keyfiyyətlərinə malik olduğunu qeyd edib. M.Feyruzov məktəblərdə keçirilən bu cür maarifləndirici tədbirlərin şagirdlərin dünyagörüşünün formalaşmasında, vətəndaşlıq tərbiyəsində mühüm rolu olduğunu bildirib.
DQİDK-nın Lənkəran bölgəsi üzrə şöbəsinin əməkdaşı Azər Həsənov çıxışında Azərbaycan gəncliyinin hərbi-vətənpərvərlik ruhuna və mənəvi-psixoloji hazırlıq səviyyəsinə malik olduğunu vurğulayıb. A.Həsənov dini radikalizm və onun fəsadları, eləcə də Dövlət Komitəsinin sifarişi əsasında çəkilmiş “Şəhadət” sənədli filmi haqqında tədbir iştirakçılarına məlumat verərək deyib ki, filmin çəkilməsində əsas məqsəd gənclərin dini radikalizm, ekstremizm və digər mənfi təsirlərdən qorunması, milli-mənəvi dəyərlərin və vətənpərvərliyin təbliğ olunmasıdır.
Cəngəmiran kənd tam orta məktəbinin müəllimi Bəhram Mirzəyev və digərləri çıxışlarında gənc nəslin vətənpərvərlik ruhunda formalaşması, elm və təhsilə yiyələnmələri, dini radikalizmdən qorunmalarının əhəmiyyətini qeyd ediblər.
Sonda tədbir iştirakçılarını maraqlandıran suallar cavablandırılıb, “Şəhadət” sənədli filmi nümayiş etdirilib. 


Son baxılan xəbərlər

Zərdabda “XX əsrin 20 Yanvar faciəsi” mövzusunda anım tədbiri keçirilib

Press-relizlər
17.01.2019 / 10:48
Ətraflı oxu

Prezident İlham Əliyev Bakı Slavyan Universiteti nəzdində Məktəb-Lisey Kompleksinin əsaslı təmir və yenidənqurma işlərindən ...

Xəbərlər
13.08.2014 / 15:00
Ətraflı oxu

Şəbnəm qızlar İslam Kollecində “XXI əsrdən baxış: İslam və qadın” mövzusunda seminar keçirilib

Xəbərlər
20.05.2022 / 15:01
Ətraflı oxu

Bölgələrdə maarifləndirmə tədbirləri davam etdirilir

Press-relizlər
27.07.2017 / 17:45
Ətraflı oxu

Yevlaxda “Qəhrəmanlar can verər yurdu yaşatmaq üçün” mövzusunda tədbir keçirilib

Press-relizlər
29.09.2021 / 11:39
Ətraflı oxu

Astarada Ulu Öndərin xatirəsi anılıb

Press-relizlər
12.12.2019 / 17:15
Ətraflı oxu