Dövlət Komitəsində xarici jurnalistlərlə görüş keçirilib

Press-relizlər / 10.04.2018 / 17:20

Aprelin 10-da Dini Qurumlarla İş üzrə Dövlət Komitəsinin (DQİDK) sədri Mübariz Qurbanlı Fransa, İtaliya, Yunanıstan və digər Avropa ölkələrindən Azərbaycana səfər edən bir qrup jurnalisti qəbul edib və onları maraqlandıran sualları cavablandırıb.
Dövlət Komitəsinin sədri xarici jurnalistlərə ölkəmizdə mövcud olan dini durum və DQİDK-nın fəaliyyəti barədə ətraflı məlumat verib. Azərbaycanda 808 dini qurumun dövlət qeydiyyatına alındığını bildirən Dövlət Komitəsinin sədri onlardan 777-nin İslam, 31-nin isə qeyri-islam təmayüllü olduğunu bildirib. Azərbaycan əhalisinin əksər hissəsinin müsəlman olduğunu qeyd edən Komitə sədri ölkəmizdə müxtəlif dini konfessiyaların əsrlərdir sərbəst və qarşılıqlı anlaşma şəraitində fəaliyyət göstərdiklərini deyib. Diqqətə çatdırıb ki, ölkəmizdə dini konfessiya nümayəndələrinin hər biri öz maddi və mənəvi mədəniyyətini, dilini, tarixi yaddaşını, mentalitetini qoruyub-saxlamaq imkanına malikdir. Dini konfessiyaların fəaliyyəti barədə geniş məlumat verən Mübariz Qurbanlı ölkəmizdə dövlət tərəfindən bütün dini qurumlara, o cümlədən qeyri-islam icmalarına mütəmadi maliyyə yardımı edildiyini vurğulayıb.
Dövlət Komitəsinin sədri xarici jurnalistlərin ölkəmizin nümunəvi dini tolerantlıq modeli, ictimaiyyət tərəfindən maraqla qarşılanan vəhdət namazı və radikalizmin qarşısının alınması istiqamətində görülən işlər barədə suallarını cavablandırıb.
Səmimi qəbula görə təşəkkürlərini bildirən jurnalistlər ölkəmizə səfərləri müddətində Azərbaycanın dinamik inkişafının, yüksək səviyyəli multikultural mühitin mövcudluğunun şahidi olduqlarını deyiblər.
Qeyd edək ki, görüşdə Rus Pravoslav Kilsəsinin Bakı-Azərbaycan Yeparxiyasının arxiyepiskopu Aleksandr İşein, Dağ Yəhudiləri dini icmasının rəhbəri Milix Yevdayev, Roma Katolik kilsəsinin Azərbaycandakı apostol prefekturasının nümayəndəsi Vladimir Baksa da iştirak ediblər.
 
 


Son baxılan xəbərlər

Biləsuvarda “Zəfərə aparan yol: milli və dini həmrəylik" mövzusunda tədbir keçirilib

Press-relizlər
27.10.2021 / 12:25
Ətraflı oxu

Saatlıda narkomaniyaya qarşı mübarizəyə həsr olunmuş maarifləndirici tədbir keçirilib

Press-relizlər
27.10.2021 / 17:32
Ətraflı oxu

Kürdəmirdə 31 mart soyqırımı ilə bağlı tədbir keçirilib

Press-relizlər
30.03.2021 / 15:38
Ətraflı oxu

Dini Komitədən Qurban bayramı ilə bağlı tövsiyələr: insanlarımız bayramı xalqımızın milli-mənəvi dəyərlərinə uyğun şəkildə ...

Açıqlama
08.08.2019 / 10:15
Ətraflı oxu

Səyyad Salahlı: “Ölkəmizdə müxtəlif dinlərə etiqad edən insanlar mehriban və qarşılıqlı hörmət şəraitində yaşayırlar”

Press-relizlər
20.02.2020 / 14:19
Ətraflı oxu

Azərbaycan və Qazaxıstan arasında dini sahədə əməkdaşlıq haqqında Memorandum imzalanıb

Xəbərlər
27.10.2021 / 17:08
Ətraflı oxu