Göyçayda "Aprel şəhidlərinin yolu gənclərə nümunədir” mövzusunda tədbir keçirilib

Press-relizlər / 09.04.2018 / 17:33

Aprelin 9-da Göyçay Rayon İcra Hakimiyyəti (RİH) və Dini Qurumlarla İş üzrə Dövlət Komitəsinin (DQİDK) Ucar bölgəsi üzrə şöbəsinin birgə təşkilatçılığı ilə Elton Əkbərov adına şəhər 2 saylı tam orta məktəbdə “Aprel şəhidlərinin yolu gənclərə nümunədir” mövzusunda tədbir keçirilib.
Tədbirdə Göyçay RİH başçısı Aparatının İctimai-siyasi və humanitar məsələlər şöbəsinin müdir müavini - dini qurumlarla işin təşkilatçısı Vüsal Zöhrabov, DQİDK-nın Ucar bölgəsi üzrə şöbəsinin müdiri vəzifəsini icra edən Əzim Rəfiyev, 2 saylı tam orta məktəbin direktoru Fatma Həmidova, müəllimlər və şagirdlər iştirak ediblər.
Tədbirdə çıxış edən DQİDK-nın Ucar bölgəsi üzrə şöbəsinin müdiri vəzifəsini icra edən Əzim Rəfiyev Aprel döyüşlərindəki qələbənin Azərbaycan xalqının mübarizliyinin, ordunun gücünün təntənəsi olduğunu qeyd edib. O bildirib ki, bu qələbə xalqın Prezident İlham Əliyevin ətrafında sıx birləşdiyini, igid əsgərlərimizin Ali Baş Komandanın əmri ilə işğal olunmuş torpaqların azad olunmasına tam hazır olduğunu bir daha sübut edib.
Daha sonra çıxış edən Göyçay RİH başçısı Aparatının İctimai-siyasi və humanitar məsələlər şöbəsinin müdir müavini - dini qurumlarla işin təşkilatçısı Vüsal Zöhrabov bütün ölkədə olduğu kimi, Göyçayda da şəhidlərin xatirəsinin daim əziz tutulduğunu və gənc nəslin vətənpərvərlik ruhunda tərbiyə olunmasında hər bir şəhidin şücaətinin bir nümunə olduğunu diqqətə çatdırıb.
Çıxış edən digər natiqlər bildiriblər ki, 2016-cı ilin aprel döyüşləri zamanı milli ordumuzun hərbiçiləri şəhidlik zirvəsinə yüksələrək öz canları və qanları hesabına hər birimizə çoxdan gözlədiyimiz qələbə dadını bəxş ediblər. Tezliklə Azərbaycan Respublikasının Prezidenti, Ali Baş Komandan İlham Əliyevin rəhbərliyi altında üç rəngli bayrağımız doğma Qarabağımızın hər bir guşəsində dalğalanacaqdır.
Daha sonra “Şəhadət” sənədli filmi nümayiş olunub, iştirakçıları maraqlandıran suallar cavablandırılıb.
 

Son baxılan xəbərlər

Dövlət Komitəsi Qubada regional konfrans keçirəcək

Press-relizlər
18.06.2013 / 12:14
Ətraflı oxu

"Azərbaycanda dini məsələ: təhdidlər və hədəflər. İdeoloji, milli, ictimai təhlükəsizlik müstəvisində" adlı kitab nəşr ...

Kitablar
19.01.2017 / 13:52
Ətraflı oxu

Zaqatalada “Uşaqların mənəvi inkişafı: nəyi necə etməli?“ mövzusunda seminar-treninq keçirilib

Press-relizlər
01.12.2021 / 15:43
Ətraflı oxu

Dövlət Komitəsinin növbəti “Könüllü fəaliyyət” layihəsi işə başlayıb

Könüllü fəaliyyət
01.12.2021 / 15:53
Ətraflı oxu

Ağdaşda fəaliyyət göstərən müsəlman və qeyri-müsəlman dini icma üzvləri ilə görüş keçirilib

Xəbərlər
30.11.2021 / 13:33
Ətraflı oxu

“Xalqımızın milli birliyinin möhkəmlənməsində mənəvi dəyərlərimizin rolu” mövzusunda videokonfrans keçirilib

Press-relizlər
27.04.2021 / 16:16
Ətraflı oxu