“Vətən sevgisi imandandır” adlı silsilə tədbirlər davam edir

Press-relizlər / 08.02.2018 / 16:07

Fevralın 8-də Dini Qurumlarla İş üzrə Dövlət Komitəsinin (DQİDK) Quba bölgəsi üzrə şöbəsi, Quba Rayon İcra Hakimiyyəti (RİH) və Quba Rayon Təhsil Şöbəsinin birgə təşkilatçılığı ilə Quba rayonu Xucbala kəndində “Vətən sevgisi imandandır” adlı tədbir keçirilib.
Tədbirdə DQİDK-nın Quba bölgəsi üzrə şöbəsinin müdir müavini Ramin Xudayev, Quba RİH başçısı Aparatının İctimai-siyasi və humanitar məsələlər şöbəsinin müdir müavini – dini qurumlarla işin təşkilatçısı Tariyel İbrahimov, Quba Rayon Təhsil Şöbəsinin əməkdaşı Anar Murtuzov, Xucbala kənd inzibati ərazi dairəsinə daxil olan yaşayış məntəqələrində fəaliyyət göstərən ümumtəhsil məktəblərinin yuxarı sinif şagirdləri, müəllimlər, ağsaqqallar və dindarlar iştirak ediblər.
DQİDK-nın Quba bölgəsi üzrə şöbəsinin müdir müavini Ramin Xudayev çıxış edərək qeyd edib ki, vətənpərvərlik İslamda imanın varlığı kimi qəbul edilən və Vətənə məhəbbət ən müqəddəs hiss kimi təlqin olunan bir məfhumdur.  
Quba RİH başçısı Aparatının nümayəndəsi Tariyel İbrahimov isə gənclərin vətənpərvərlik ruhunda yetişməsində dinin əhəmiyyətli dərəcədə rolunun olduğunu diqqətə çatdırıb. O bildirib ki, gənclərə Azərbaycanda mövcud olan ənənəvi dini biliklər barədə məlumat verməli, onların kənar təsirlərdən müdafiə olunması üçün maarifləndirici tədbirlərin intensev keçirilməsi vacibdir.
Quba Rayon Təhsil Şöbəsinin əməkdaşı Anar Murtuzov çıxış edərək deyib ki, təhsil sahəsində vətənpərvərliyin təbliği əsas şərtlərdəndir. Çünki insanın formalaşdığı vaxtın ilkin çağları məktəb illərinə düşür və bu illər ərzində düzgün istiqamətləndirmə önəmlidir.  
Daha sonra Dövlət Komitəsinin sifarişi ilə ərsəyə gələn “Şəhadət” sənədli filmi nümayiş etdirilib və müzakirələr aparılıb. 


Son baxılan xəbərlər

Göyçayda “Dini radikalizm və zərərli vərdişlərlə mübarizədə birgə fəaliyyətin təşkili və əhəmiyyəti” mövzusunda tədbir ...

Press-relizlər
18.11.2021 / 16:55
Ətraflı oxu

Bakıda və bölgələrdə “Uşaq hüquqları aylığı” çərçivəsində silsilə tədbirlər keçirilib

Press-relizlər
17.11.2022 / 09:15
Ətraflı oxu

Dövlət Komitəsinin sədrinin Səudiyyə Ərəbistanına səfəri başlayıb

Xəbərlər
05.02.2013 / 11:22
Ətraflı oxu

Oğuzda “Ulu Öndər Heydər Əliyevin əsasını qoyduğu dövlət-din münasibətləri” mövzusunda tədbir keçirilib

Xəbərlər
25.05.2022 / 14:39
Ətraflı oxu

Ucarda "Heydər Əliyev və milli-mənəvi dəyərlərimiz" mövzusunda tədbir keçirilib

Press-relizlər
07.12.2022 / 14:46
Ətraflı oxu

Yardımlıda "Vətən naminə" filmi nümayiş olunub

Press-relizlər
21.10.2021 / 16:34
Ətraflı oxu