.JPG&w=1200)
Press-relizlər / 25.01.2018 / 14:54
Yanvarın 25-də Dini Qurumlarla İş üzrə Dövlət Komitəsinin (DQİDK) dəstəyi ilə Sumqayıt şəhəri 22 saylı tam orta məktəbdə “Şəhidlik zirvəsi” adlı tədbir keçirilib.
Tədbirdə məktəbin direktor müavini Malik Yəhyayev, Dini Qurumlarla İş üzrə Dövlət Komitəsinin Sumqayıt bölgəsi üzrə şöbəsinin aparıcı məsləhətçisi Ülvi Məmmədov, müəllimlər və yuxarı sinif şagirdləri iştirak edib.
Məktəbin direktor müavini Malik Yəhyayev çıxışında bildirib ki, şagirdlərin vətənpərvər ruhda tərbiyələnməsi təhsilimizin prioritet istiqamətlərindən biridir. Milli özünüdərkə sahib, milli-mənəvi, dini dəyərlərini dərindən mənimsəmiş, elmli gənclik dövlətimizin bütövlüyü və azadlığının qarantıdır. Natiq, həmçinin belə maarifləndirici tədbirlərin mütəmadi keçirilməsinin əhəmiyyətindən danışıb.
Dövlət Komitəsinin əməkdaşı Ülvi Məmmədov xalqımızın dövlətçilik tarixindən, onun ayrı-ayrı tarixi mərhələlərdə keçdiyi ağır sınaqlardan, o cümlədən yad və zərərli ideologiyalardan dövlətçiliyimizin qorunub saxlanmasından söhbət açıb. O, yetişməkdə olan gənc nəslin öz elmi, savadı və bilikləri, yüksək vətənpərvərlik ruhu ilə ölkəmizin inkişafına böyük töhfələr verəcəyinə əminliyini bildirib.
Dövlət Komitəsinin əməkdaşı Ülvi Məmmədov xalqımızın dövlətçilik tarixindən, onun ayrı-ayrı tarixi mərhələlərdə keçdiyi ağır sınaqlardan, o cümlədən yad və zərərli ideologiyalardan dövlətçiliyimizin qorunub saxlanmasından söhbət açıb. O, yetişməkdə olan gənc nəslin öz elmi, savadı və bilikləri, yüksək vətənpərvərlik ruhu ilə ölkəmizin inkişafına böyük töhfələr verəcəyinə əminliyini bildirib.
Ülvi Məmmədov şagirdlərə həmçinin dini separatçılıq və dini radikalizm, onların mahiyyəti barədə də məlumat verib. Qeyd edib ki, bir çox mərkəzlər ölkəmizdə yad və zərərli dini düşüncələrin təbliği ilə özlərinə sosial baza yaratmaq istəsələr də, dövlət səviyyəsində aparılan qabaqlayıcı tədbirlər nəticəsində bu prosesin qarşısı alınıb.
Tədbirin sonunda DQİDK-nın sifarişi ilə çəkilən “Şəhadət” sənədli filmi nümayiş olunub.
Tədbirin sonunda DQİDK-nın sifarişi ilə çəkilən “Şəhadət” sənədli filmi nümayiş olunub.
.JPG)
.JPG)
.JPG)
.JPG)
.JPG)
.JPG)
