.jpg&w=1200)
Press-relizlər / 13.12.2017 / 13:56
Dekabrın 13-də Dini Qurumlarla İş üzrə Dövlət Komitəsinin (DQİDK) dəstəyi ilə Zaqatala rayonu Yolayrıc kənd məscidi dini icmasınınPaşan kənd tam orta məktəbində “Dini abidələrimiz” layihəsi çərçivəsində “Dini abidələrimiz birgəyaşayışımızın təminatçısı kimi” adlı tədbir keçirilib.
Tədbirdə Dini Qurumlarla İş üzrə Dövlət Komitəsinin Zaqatala bölgəsi üzrə şöbəsinin məsləhətçisi Sərxan Tahirzadə, məktəbin direktoru Elnarə Məmmədova, Yolayrıc kənd məscidi dini icmasının sədri Yunus Eminov, müəllimlər və yuxarı sinif şagirdləri iştirak ediblər.
Tədbiri giriş sözü ilə açan məktəbin direktoru Elnarə Məmmədova milli-mənəvi dəyərlərimizin tərkib hissəsi olan abidələrimizi qorumağın və gələcək nəsillərə çatdırmağın önəmindən danışıb.
Daha sonra çıxış edən Dini Qurumlarla İş üzrə Dövlət Komitəsinin Zaqatala bölgəsi üzrə şöbəsinin məsləhətçisi Sərxan Tahirzadə bildirib ki, ermənilərin işğal etdiyi Azərbaycan ərazilərində İslam memarlıq abidələri məhv edilir. Natiq eyni zamanda, regionda çoxlu dini abidələrin olduğunu qeyd edərək, dövlətimizin dini abidələrə olan qayğısından danışıb. O, mədəniyyətimizin bir hissəsi olan bu abidələri qorumağın vacibliyini vurğulayıb.
Yolayrıc kənd məscidi dini icmasının sədri Yunus Eminov çıxışında isə bildirib ki, tədbir Prezident İlham Əliyevin ölkədə dini maarifləndirmə və milli-mənəvi dəyərlərin təbliği işini daha da gücləndirmək məqsədilə dini icmalara maliyyə yardımı göstərmək üçün imzaladığı Sərəncama əsasən həyata keçirilir.
Sonda tədbir iştirakçılarının sualları cavablandırılıb.
