Qaradağda “Dini radikalizmlə mübarizənin başlıca yolları: nəzəriyyə və təcrübə” mövzusunda tədbir baş tutub

Press-relizlər / 16.11.2017 / 17:43

Noyabrın 16-da Dini Qurumlarla İş üzrə Dövlət Komitəsi (DQİDK) və Qaradağ Rayon İcra Hakimiyyətinin (RİH) birgə təşkilatçılığı ilə “Dini radikalizmlə mübarizənin başlıca yolları: nəzəriyyə və təcrübə” mövzusunda tədbir keçirilib.
Qobustan qəsəbə Mədəniyyət evində keçirilən tədbirdə DQİDK-nın Dini qurumlarla iş üzrə şöbəsinin müdiri Əliheydər Zülfüqarov, Bakı şəhəri üzrə şöbəsinin müdir müavini Ceyhun Əliyev, Qaradağ RİH başçısı Aparatının İctimai-siyasi və humanitar məsələlər şöbəsinin müdiri Munis Bayramov, Qobustan qəsəbə ziyalıları, hüquq-mühafizə orqanlarının əməkdaşları, din xadimləri, müəllim və şagirdlər, eləcə də ictimaiyyət nümayəndələri iştirak ediblər.
Seminar-treninqin əvvəlində DQİDK-nın sifarişi əsasında çəkilmiş “Şəhadət” sənədli filmi nümayiş olunub.
Qaradağ RİH başçısı Aparatının İctimai-siyasi və humanitar məsələlər şöbəsinin müdiri Munis Bayramov çıxışında dövlətin dinə və din xadimlərinə göstərdiyi qayğıdan, dini radikalizmin səbəb olduğu ailə faciələrindən danışıb, Dövlət Komitəsinin dini radikalizmə qarşı keçiridiyi belə profilaktik maarifləndirmə tədbirlərinin əhəmiyyətindən  bəhs edib.
Dövlət Komitəsinin Dini qurumlarla iş üzrə şöbəsinin müdiri Əliheydər Zülfüqarov dini radikal və ekstremist qrupların təbliğat və yayılma metodlarından danışaraq, radikalizmə qarşı mübarizədə milli-mənəvi dəyərlərimizin tərkib hissəsi olan islami dəyərlərin olduğu şəkildə təbliğ olunmasının əhəmiyyətini vurğulayıb. O, eyni zamanda məzhəb ayrı-seçkiliyinə qarşı vəhdət və həmrəyliyin vacibliyindən və buna nail olmağın yollarından  da bəhs edib.
Dövlət Komitəsinin Bakı şəhəri üzrə şöbəsinin müdir müavini Ceyhun Əliyev Vətənimizin ərazi bütövlüyü uğrunda canından keçmiş igid qəhraman oğullarımızdan söhbət açaraq “şəhidlik” anlayışının mahiyyətindən danışıb.
Daha sonra şəhid atası Əliyusif Əliyev və din xadimi Qaraoğlan Həsənov çıxış edərək belə tədbirlərin əhəmiyyətini diqqətə çatdırıb, gənclərin bu sahədə maarifləndirilməsinin vacibliyini vurğulayıblar.
Sonda iştirakçıları maraqlandıran suallar cavablandırılıb.


Son baxılan xəbərlər

Prezident İlham Əliyev: "Vətən müharibəsindən sonra regional əməkdaşlıq üçün çox gözəl imkanlar yaranmışdır"

Xəbərlər
25.01.2022 / 16:33
Ətraflı oxu

Dövlət Komitəsində Gürcüstan Yevangelik-Lüteran kilsəsinin yeni yepiskopu ilə görüş keçirilib

Xəbərlər
17.01.2022 / 17:02
Ətraflı oxu

Zaqatala rayonunun Maqov kənd tam orta məktəbində “Vətənpərvər Azərbaycan gəncliyi” mövzusunda maarifləndirmə tədbiri olub

Press-relizlər
23.05.2018 / 15:06
Ətraflı oxu

Respublikamızda anım tədbirləri keçirilib

Press-relizlər
21.01.2022 / 10:49
Ətraflı oxu

Multikulturalizm Azərbaycan Respublikasının daxili və xarici siyasətinin mühüm istiqamətidir

Press-relizlər
16.02.2018 / 14:03
Ətraflı oxu

Alban-Udi Xristian dini icmasının sədri Robert Mobili Polşanın həftəlik “Tygodnik Powszechny” qəzetinə müsahibə verib

Xəbərlər
24.01.2022 / 15:40
Ətraflı oxu