Elşad İskəndərov Səudiyyə Ərəbistanı Krallığında rəsmi görüşlər keçirib (Foto)

Press-relizlər / 06.02.2013 / 18:45

Səudiyyə Ərəbistanı Krallığında rəsmi səfərdə olan Dini Qurumlarla İş üzrə Dövlət Komitəsinin (DQİDK) sədri Elşad İskəndərov fevralın 6-da Krallığın İslam İşləri, Vəqflər, Dəvət və İrşad nazirliyinin rəhbərliyi ilə görüşmüşdür. İşgüzar və səmimi şəraitdə keçən görüşdə Elşad İskəndərov səfərə rəsmi dəvətə görə təşəkkürünü bildirmiş, Səudiyyə Ərəbistanı ilə Azərbaycan arasında mövcud olan dostluq münasibətlərinin hazırkı durumundan məmnunluğunu ifadə etmişdir. Dövlət Komitəsinin sədri Səudiyyə Ərəbistanının beynəlxalq platformada Azərbaycanın haqlı mövqeyinə, ölkəmizin ərazi bütövlüyünə verdiyi dəstəyə görə  təşəkkürünü bildirmişdir. 
Daha sonra E. İskəndərov Azərbaycanda dövlət-din münasibətləri, DQİDK-nın son dövrlərdə gördüyü işlər, dini maarifləndirmə sahəsində yeni təşəbbüslər, dövlətimizin milli-mənəvi və dini-tarixi dəyərlərin qorunması, inkişaf etdirilməsi istiqamətində dəstəyi barədə ətraflı məlumat vermişdir. 
Öz növbəsində qarşı tərəf Səudiyyə Ərəbistanındakı tarixi-dini ənənələr, dövlətin din siyasəti, rəhbərlik etdiyi nazirliyin strukturu, həyata keçirdiyi işlər, barəsində geniş danışmışdır. Söhbət zamanı əməkdaşlıq perspektivləri, hər iki dövlət qurumunun birgə reallaşdıra biləcəyi layihələr, müzakirə olunmuş, müvafiq razılıqlar əldə edilmişdir.
Görüşdə xüsusilə müasir dünyada mövcud olan islamafobiya, radikal dini dünyagörüşləri müzakirə edilmiş, bu istiqamətdə görülə biləcək birgə işlər ətrafında fikir mübadiləsi aparılmışdır.  Görüşün sonunda müzakirə edilmiş əməkdaşlıq imkanlarının əks olunacağı memorandum layihəsinin hazırlanması barədə razılığa gəlinmişdir.
Qeyd edək ki, Səudiyyə Ərəbistanına səfər çərçivəsində DQDİK sədrinin bu ölkənin həcc naziri, Dinlər və Mədəniyyətlərarası Dialoq üzrə Milli Mərkəzinin və Daxili İşlər Nazirliyinin Şəhzadə Nalf adına Reabilitasiya Mərkəzinin rəhbərlikləri, həmçinin bir sıra digər dövlət rəsmiləri ilə görüşləri nəzərdə tutulmuşdur.


Son baxılan xəbərlər

Dini Qurumlarla İş üzrə Dövlət Komitəsinin nümayəndələri əsgərlərlə görüşüb

Press-relizlər
11.03.2019 / 15:29
Ətraflı oxu

Zaqatalada “Azərbaycan gəncliyi: dünən, bu gün, sabah” adlı tədbir təşkil olunub

Press-relizlər
31.10.2017 / 17:28
Ətraflı oxu

Beyləqanda dini maarifləndirmə tədbirləri davam etdirilir

Press-relizlər
18.01.2018 / 16:05
Ətraflı oxu

Dövlət Komitəsinin sədri Mübariz Qurbanlı Osman Nuri Topbaşın rəhbərlik etdiyi nümayəndə heyəti ilə görüşüb

Press-relizlər
07.05.2018 / 17:03
Ətraflı oxu

Kürdəmirdə "Heydər Əliyev və milli-mənəvi dəyərlərimiz" mövzusu müzakirə edilib

Xəbərlər
17.03.2022 / 12:36
Ətraflı oxu

Azərbaycandakı dini konfessiya rəhbərlərinin dünya dini liderlərinə, parlamentlərə, beynəlxalq təşkilatlara MÜRACİƏTİ

Press-relizlər
28.03.2018 / 14:24
Ətraflı oxu