Hacıqabulda “İslamda həmrəyliyin əhəmiyyəti” mövzusunda tədbir keçirilib

Press-relizlər / 18.10.2017 / 10:29

Oktyabrın 17-də Dini Qurumlarla İş üzrə Dövlət Komitəsinin (DQİDK) dəstəyi ilə Hacıqabul rayonu Abdulabad kənd ‘’Cümə’’ məscidi dini icması tərəfindən “İslamda həmrəyliyin əhəmiyyəti” layihəsi çərçivəsində maarifləndirici  tədbir  keçirilib.
Tədbirdə DQİDK-nın Şirvan bölgəsi üzrə şöbəsinin müdiri Azər Sadıqov, Hacıqabul Rayon İcra Hakimiyyəti (RİH) başçısı Aparatının İctimai-siyasi və humanitar məsələlər şöbəsinin müdir müavini - dini qurumlarla işin təşkilatçısı Elvin Şıxalıyev, Abdulabad kənd Cümə məscidi dini icmasının sədri Həsrət Şıxalıyev, eləcə də gənclər  və ictimaiyyət nümayəndələri  iştirak ediblər.
Dini icma sədri Həsrət Şıxalıyev layihə çərçivəsində keçrilən tədbirlərin əhəmiyyətindən danışıb, bu tədbirlərin  əhalinin, xüsusilə də gənclərin dini maarifləndirilməsində oynadığı roldan bəhs  edib.
Hacıqabul RİH başçısı Aparatının nümayəndəsi Elvin Şıxalıyev bildirib ki, Azərbaycanda aparılan düzgün siyasətin nəticəsidir ki, ölkəmizdə müsəlmanlarla yanaşı başqa dinlərin nümayəndələri də mehriban şəkildə yaşayır. Tariximizin istənilən mərhələsinə nəzər saldıqda heç bir milli, dini və irqi zəmində münaqişə baş verməyib.
DQİDK-nın Şirvan bölgəsi üzrə şöbəsinin müdiri Azər Sadıqov ölkəmizdə mövcud dini durum,  dövlət-din münasibətləri,  dövlətin dinə  qayğısından bəhs edib. O, ölkəmizdə heç bir məzhəb ayrı-seçkiliyinin olmadığını,  insanların mehriban şəkildə yaşadığını,  İslam dininin vəhdət,  birliyə çağırış,  tolerant din olduğunu dinləyicilərin nəzərinə çatdırıb.
Qeyd edək ki, maarifləndirmə tədbiri Azərbaycan Respublikasının Prezidenti cənab İlham Əliyevin ölkədə dini maarifləndirmə və milli-mənəvi dəyərlərin təbliği işini daha da gücləndirmək məqsədilə dini icmalara maliyyə yardımı göstərmək üçün 2014-cü il noyabrın 27-də imzaladığı Sərəncama əsasən keçirilib.

 


Son baxılan xəbərlər

"Balakhani Operating Company" şirkətində maarifləndirmə tədbiri keçirilib

Press-relizlər
22.10.2019 / 16:41
Ətraflı oxu

Zaqatalada “Milli-mənəvi dəyərlərimizin qorunması uğurlu gələcəyimizin zəmanətidir” adlı tədbir keçirilib

Press-relizlər
08.05.2018 / 17:53
Ətraflı oxu

Vladimir Fekete: “İslam Həmrəyliyi İli” ötənilki “Multikulturalizm İli”nin davamıdır

İSLAM HƏMRƏYLİYİ İLİ
16.03.2017 / 11:19
Ətraflı oxu

Zaqatalada 2020-ci ilin yekunları və qarşıda duran vəzifələrə həsr edilmiş videokonfrans keçirilib

Press-relizlər
27.01.2021 / 17:31
Ətraflı oxu

Dini Qurumlarla İş üzrə Dövlət Komitəsi və Sabunçu RİH Nardaranda birgə tədbir keçirib

Press-relizlər
10.11.2016 / 17:24
Ətraflı oxu

Bakıda “İslam Həmrəyliyi İli” çərçivəsində çap edilən kitablardan ibarət sərgi keçirilib

Press-relizlər
20.12.2017 / 17:02
Ətraflı oxu