Prezidentin Sərəncamı uğurla icra olunur

Press-relizlər / 03.03.2017 / 10:07

Martın 2-də Dini Qurumlarla İş üzrə Dövlət Komitəsinin (DQİDK) dəstəyi ilə İsmayıllı rayonu Basqal qəsəbə məscidi dini icmasının “Multikultural cəmiyyətdə tolerantlıq ənənələrinin qorunması” layihəsi çərçivəsində “Ənənəvi dindarlıq və radikalizm” adlı maarifləndirici tədbir keçirilib.
Tədbiri giriş sözü ilə açan DQİDK-nın Şamaxı bölgəsi üzrə şöbəsinin müdiri Rəhim Rəhimli “Multikultural cəmiyyətdə tolerantlıq ənənələrinin qorunması” layihəsi çərçivəsində maarifləndirmə işlərinin davam etdiyini bildirib. O, gənc nəsillərə milli-mənəvi dəyərlərimizə hörmətlə yanaşılması, İslamda Vətən və dövlət sevgisi, dini radikalizm və ekstremizm kimi mənfi ünsürlərin İslam dininə yad olmasını qeyd edərək müasir və sağlam düşüncəli gənclərin formalaşdırılması istiqamətində tədbirlərin bundan sonra da davam etdiriləcəyini bildirib.
İsmayıllı Rayon İcra Hakimiyyəti başçısı Aparatının İctimai-siyasi və humanitar məsələlər şöbəsinin müdir müavini - dini qurumlarla işin təşkilatçısı Murad Məhərrəmov çıxışında radikal dini cərəyanların fəaliyyətinin yolverilməz olduğunu və buna qarşı təkcə dövlət təşkilatları, hüquq-mühafizə orqanlarının deyil, hər bir vətəndaşın mübarizə aparmalı olduğunu tədbir iştirakçılarının nəzərinə çatdırıb.
DQİDK-nın Dinşünaslıq ekspertizası şöbəsinin əməkdaşı Namiq Cırıyev Azərbaycan cəmiyyətində multikultural dəyərlərin inkişaf etdiyini, bu dəyərlərin birgəyaşayış prinsipinə çevrilməsini qeyd edərək mövcud olan bu ənənələrin daha da möhkəmləndirilməsi, eləcə də radikal təsirlərin qarşısının alınması üçün lazım olan məqamlara toxunub.
Daha sonra Dövlət Komitəsinin Şamaxı bölgəsi üzrə şöbəsinin əməkdaşı Elnur Mehdiyev, Rayon İcra Hakimiyyəti başçısının Basqal qəsəbə İnzibati ərazi dairəsi üzrə nümayəndəsinin müavini İlham Ağayev, dini icmanın sədri Fariz Mövlamov mövzu ilə bağlı çıxış ediblər.
Sonda tədbir iştirakçılarına maarifləndirici nəşrlər paylanılıb.



Son baxılan xəbərlər

Goranboyda “Heydər Əliyev və gənclər siyasəti” mövzusunda tədbir keçirilib

Heydər Əliyev İli
01.02.2023 / 16:24
Ətraflı oxu

Kürdəmirdə "Dini ekstremizm və onun fəsadları" mövzusunda tədbir keçirilib

Press-relizlər
01.02.2023 / 15:26
Ətraflı oxu

Zaqatalada maarifləndirmə tədbiri keçirilib

Press-relizlər
01.02.2023 / 16:21
Ətraflı oxu

Azərbaycandakı dini konfessiya rəhbərlərinin dünya dini liderlərinə, parlamentlərə, beynəlxalq təşkilatlara MÜRACİƏTİ

Press-relizlər
28.03.2018 / 14:24
Ətraflı oxu

İslam dininə aid ibadət yerlərində (məscidlər) vakant vəzifələrin tutulması üçün müsahibə mərhələsi başlayıb

Xəbərlər
02.08.2022 / 11:48
Ətraflı oxu

Saatlıda 44 günlük Vətən müharibəsində əldə edilən qələbədən danışılıb

Press-relizlər
28.09.2021 / 11:43
Ətraflı oxu