Nərimanov rayonunda “Multikulturalizmin Azərbaycan modeli” mövzusunda tədbir keçirilib

Press-relizlər / 05.05.2016 / 17:16

Mayın 5-də Dini Qurumlarla İş üzrə Dövlət Komitəsinin və Nərimanov Rayon İcra Hakimiyyətinin birgə təşkilatçılığı ilə Azərbaycan Kooperasiya Universitetində “Multikulturalizmin Azərbaycan modeli”  mövzusunda tədbir keçirilib. Tədbirdə Nərimanov Rayon İcra Hakimiyyəti başçısının müavini İradə Mahmudova, DQİDK-nın Bakı şəhəri üzrə şöbəsinin müdir müavini Ceyhun Əliyev, Nərimanov Rayon Gənclər və İdman İdarəsinin rəisi Nəcəf Novruzov, Nərimanov Rayon İcra Hakimiyyəti Aparatının İctimai-siyasi və humanitar məsələlər şöbəsinin müdir müavini - dini qurumlarla işin təşkilatçısı Toğrul Əliyev, ziyalılar, müəllimlər və tələbələr iştirak ediblər.
Tədbiri giriş sözü ilə açan Nərimanov Rayon İcra Hakimiyyəti başçısının müavini İradə Mahmudova multikulturalizmin alnetrnativini olmadığını və ölkəmizdə multikultural dəyərlərin həyat tərzinə çevrildiyini diqqətə çatdırıb. Bildirilib ki, bütün xalqların və dinlərin nümayəndələrinin birgəyaşayış ənənəsi Ulu Öndər Heydər Əliyevin uzaqgörən siyasəti nəticəsində möhkəm dayaqlar əldə edib. Bununla yanaşı, Nərimanov rayonunun Rusiyanın Həştərxan şəhəri ilə qardaşlaşmasının multikulturalizmin inkişafına xidmət etdiyi vurğulanıb.
Daha sonra çıxış edən Azərbaycan Kooperasiya Universitenin Tarix kafedrasının müdiri Nizami Məhərrəmov təhsil ocağında bakalavr pilləsi üçün “Multikulturalizmə giriş” və magistr pilləsi üçün “Azərbaycan multikulturalizmi” fənlərinin tədris edildiyini bildirərək, multikulturalizmin tarixi kökləri, eləcə də Azərbaycan ədəbi-bədii həyatındakı yeri haqqında geniş məlumat verib.
Tədbirdə çıxış edən DQİDK-nın Bakı şəhəri üzrə şöbəsinin müdir müavini Ceyhun Əliyev multikulturalizm anlayışı və tolerantlıq haqqında söhbət açıb. Ölkəmizdə bütün xalqlar və dinlərin nümayəndələrinin bir ailə kimi yaşadığı xüsusi qeyd edilib. Hazırda multikulturalizmin Prezident cənab İlham Əliyevin rəhbərliyi ilə dövlət siyasətinə çevrildiyini söyləyən natiq bu dəyərlərin gələcəkdə də qorunması üçün bütün zəruri tədbirlərin görüldüyünü bildirib.
Sonda çıxış edən Universitetin Tələbə Gənclər Təşkilatının sədri Tamerlan Əkbərov gənclərin multikultural dəyərlər ətrafında sıx birləşdiyini və ölkə rəhbərliyinə bu sahədə dəstəyə daima hazır olduqlarını bildirib.  


Son baxılan xəbərlər

İŞTİRAK ƏRİZƏSİNİ YÜKLƏ

Arxiv
01.04.2014 / 11:50
Ətraflı oxu

Dövlət Komitəsinin sədri Mübariz Qurbanlı: “Hazırda Azərbaycanda dini durum sabitdir”

Xəbərlər
31.01.2023 / 09:25
Ətraflı oxu

Azərbaycan nümayəndə heyəti Brüsseldə bir sıra əhəmiyyətli görüşlər keçirib

Press-relizlər
30.06.2018 / 12:54
Ətraflı oxu

Bakıda “Mənəvi dəyərlərimiz gələcəyimizdir” mövzusunda konfrans keçirilib

Press-relizlər
20.02.2019 / 17:56
Ətraflı oxu

Dövlət Komitəsinin sədri Türkiyənin ölkəmizəki fövqəladə və səlahiyyətli səfiri ilə görüşüb

Xəbərlər
03.08.2021 / 15:58
Ətraflı oxu

Mingəçevirdə “Vətəni sevmək imandandır” mövzusunda maarifləndirici tədbir keçirilib

Press-relizlər
27.05.2016 / 17:36
Ətraflı oxu