“Multikultural dəyərlərin təbliğində dindarların və dini icmaların rolu” mövzusunda tədbir keçirilib

Press-relizlər / 23.02.2016 / 13:55

Prezident İlham Əliyevin ölkədə dini maarifləndirmə və milli-mənəvi dəyərlərin təbliği işini daha da gücləndirmək məqsədilə dini icmalara maliyyə yardımı göstərmək üçün imzaladığı Sərəncama əsasən bölgələrdə tədbirlər davam etdirilir. Fevralın 23-də Dini Qurumlarla İş üzrə Dövlət Komitəsinin dəstəyi ilə Sabirabad rayonunun Bulaqlı kənd məscidi dini icmasında “Multikultural dəyərlərin təbliğində dindarların və dini icmaların rolu” mövzusunda tədbir keçirilib.
Tədbirdə Dini Qurumlarla İş üzrə Dövlət Komitəsinin İmişli bölgəsi üzrə şöbəsinin müdiri vəzifəsini icra edən Cavanşir Bəhrəmov, şöbənin əməkdaşı Ələkbər Quliyev, Sabirabad rayon İcra Hakimiyyəti başçısı aparatının İctimai-siyasi və humanitar məsələlər üzrə şöbə müdirinin muavini-dini qurumların təşkilatçısı Mirzağa Hümbətov, Bulaqlı kənd məscidi dini icmasının sədri Rufat Utarov, Qafqaz Müsəlmanları İdarəsinin Sabirabad rayonu üzrə səlahiyyətli nümayəndəsi Ağakərim Sadıqov, Sabirabad rayonu İcra Hakimiyyəti başçısının Bulaqlı kəndi üzrə nümayəndəsinin müavini Yadulla Əliyev,  icma üzvləri, dindarlar,ziyalılar və gənclər iştirak ediblər.
Tədbirdə Dini Qurumlarla İş üzrə Dövlət Komitəsinin İmişli bölgəsi üzrə şöbəsinin müdiri vəzifəsini icra edən Cavanşir Bəhrəmov çıxış edərək, mədəniyyətlərin və dinlərin vəhdətinin və ənənəvi siyasəti sayəsində Azərbaycan həmişə müxtəlif etnosların nümayəndələrinin mədəniyyətləri və dinlərinin inteqrasiya məkanına çevrildiyini qeyd edib. C. Bəhrəmov müsəlman, xristian və yəhudi əhalisinin nümayəndələri arasındakı tolerant və dostluq münasibətlərinin Azərbaycan xalqı üçün  hər zaman xarakterik olduğunu vurğulayıb.   
 Tədbirdə daha sonra çıxış edən Sabirabad rayon İcra Hakimiyyəti başçısı aparatının İctimai-siyasi və humanitar məsələlər üzrə şöbə müdirinin muavini Mirzağa Hümbətov dövlət başçısının Sərəncamı ilə ölkədə dini maarifləndirmə və milli mənəvi dəyərlərin təbliği işinin daha da gücləndirilməsi məqsədilə ayrılmış maliyyə vəsaitinin əhəmiyyətindən danışıb.
Tədbirdə, həmçinin, Dini Qurumlarla İş üzrə Dövlət Komitəsinin İmişli bölgəsi üzrə şöbəsinin məsləhətçisi Ələkbər Quliyev, Qafqaz Müsəlmanları İdarəsinin Sabirabad rayonu üzrə səlahiyyətli nümayəndəsi Ağakərim Sadıqov, Sabirabad şəhər mərkəzi “Heydər” məscidinin Axund müavini Yusif Bağırov, Bulaqlı kənd məscidi dini icmasının sədri Rüfət Utarov və başqaları çıxış edərək dini icmaların fəaliyyətinə göstərdiyi diqqət və qayğıya görə Prezident cənab İlham Əliyevə öz minnətdarlıqlarını bildiriblər.
Sonda Dini Qurumlarla İş üzrə Dövlət Komitəsi tərəfindən nəşr olunmuş kitablar tədbir iştirakçılarına paylanılıb.


Son baxılan xəbərlər

Dini Komitə gənclər proqramına dəstək verdi

Xəbərlər
20.10.2012 / 13:00
Ətraflı oxu

Prezident İlham Əliyev: “Biz göstərmişik ki, böyük xalqıq, qürurlu xalqıq”

Xəbərlər
02.12.2020 / 16:26
Ətraflı oxu

Kürdəmirdə “Məişət zorakılığının qarşısının alınması, həmçinin onunla mübarizə" mövzusu müzakirə olunub

Press-relizlər
12.05.2022 / 14:46
Ətraflı oxu

Mingəçevirdə milli həmrəyliyimizin möhkəmləndirilməsinin önəminə həsr olunmuş tədbir keçirilib

Xəbərlər
08.10.2021 / 12:06
Ətraflı oxu

Narkomaniyaya qarşı mübarizə yolları müzakirə olunub

Press-relizlər
23.12.2020 / 11:37
Ətraflı oxu

Oğuzda “Multikultural cəmiyyətdə məzhəbçilik və dini təəssübkeşlik meyillərinin yaratdığı problemlər” mövzusu müzakirə olunub

Press-relizlər
14.12.2021 / 14:59
Ətraflı oxu