Press-relizlər / 17.11.2023 / 17:47
Respublikamızın bölgələrində müxtəlif mövzulara həsr olunmuş maarifləndirmə tədbirləri keçirilib.
17.11.2023, Şəki şəhəri: “Tolerantlığın Azərbaycan modeli” mövzusunda baş tutan tədbirə Dini Qurumlarla İş üzrə Dövlət Komitəsinin (DQİDK) Şəki bölgəsi üzrə şöbəsinin əməkdaşı Saleh Məmmədov, Qafqaz Müsəlmanları İdarəsinin bölgə qazısı Kamran Məmmədov və dini icma üzvləri, Pedaqoji Universitetin Şəki filialında “ Məişət zorakılığının qarşısının alınması və onunla mübarizə yolları” mövzusunda keçirilən tədbirə isə bölgə şöbəsinin əməkdaşı Minarə Məmmədhüseynova, müəllimlər, həmçinin tələbələr qatılıblar.
17.11.2023, Siyəzən rayonu: “Birlik və həmrəyliyin qələbəsi” mövzusu müzakirə olunub. Tədbirdə Dövlət Komitəsinin Quba bölgəsi üzrə şöbəsinin aparıcı məsləhətçisi Gündüz Səmədli, "Siyəzən Gənclər evi" sosial xidmət müəssisəsinin direktoru Nərmin Nəbiyeva və gənclər iştirak ediblər.
17.11.2023, Gəncə şəhəri: Gəncə Tibb Kollecində “Uşaq hüquqlarının qorunması: erkən nikah problemi və ona qarşı mübarizə yolları” mövzusunda seminar keçirilib. Tədbirdə DQİDK-nın Gəncə bölgəsi üzrə şöbəsinin əməkdaşı Samirə Məmmədova, qadın dini ayinlərin icraçısı Nabat Xasməmmədli və kollecin tələbələri iştirak ediblər.
17.11.2023, Saatlı rayonu: “17 Noyabr-Milli Dirçəliş Günüdür” mövzusu müzakirə olunub. Tədbir bölgə şöbəsinin əməkdaşı Elvin İbrahimov, ictimaiyyət nümayəndələri və gənclərin iştirakı ilə baş tutub.
Çıxışlarda mövzuların əhəmiyyətindən bəhs edilib. Bu cür tədbirlərin keçirilməsinin zəruriliyi diqqətə çatdırılıb. Sonda iştirakçıların sualları cavablandırılıb.
