Xəbərlər / 28.09.2023 / 14:23

Sentyabrın 28-də Dini Qurumlarla İş üzrə Dövlət Komitəsi (DQİDK) və Maliyyə Monitorinqi Xidmətinin birgə təşkilatçılığı ilə dini icma üzvlərinə “Dini qurumların fəaliyyətində ƏL/TMM üzrə qanunvericiliklə nəzərdə tutulmuş öhdəliklər” mövzusunda təlim keçirilib. 

Azərbaycan İlahiyyat İnstitutunda baş tutan təlim əmlakın leqallaşdırılmasına və terrorçuluğun maliyyələşdirilməsinə qarşı mübarizə (ƏL/TMM) sahəsində vəzifələr, bu istiqamətdə qanunvericiliyin yeni tələblərinin tətbiqi və qabaqcıl beynəlxalq təcrübə barədə dini icmaların məlumatlandırılması məqsədi daşıyıb.

Çıxış edən Maliyyə Monitorinqi Xidmətinin əməkdaşları Fuad Əliyev və Samir Məmmədov ƏL/TMM sahəsinə dair qanunvericiliklə nəzərdə tutulmuş öhdəliklər, dini qurumlar vasitəsilə əmlakın leqallaşdırılması, eləcə də terrorçuluğun maliyyələşdirilməsi sxemləri və ianələrin toplanılması zamanı onlardan sui-istifadə hallarının qarşısının alınması barədə ətraflı məlumatı tədbir iştirakçılarının diqqətinə çatdırıblar.

Sonda dinləyiciləri maraqlandıran suallar cavablandırılıb.