Press-relizlər / 25.05.2023 / 16:26

Mayın 25-də Ağstafa rayon Göycəli kənd N.Həmzəyev adına tam orta məktəbində "Dini fanatizm, radikalizm və ekstremizmin mahiyyəti və təhlükələri" mövzusunda tədbir keçirilib.

Tədbirdə Dini Qurumlarla İş üzrə Dövlət Komitəsinin Tovuz bölgəsi üzrə şöbəsinin müdiri Rasim Tağıyev, Ağstafa Rayon İcra Hakimiyyəti başçısı Aparatının İctimai-siyasi və humanitar məsələlər şöbəsinin müdir müavini İsa Məmmədov, rayon Gənclər və İdman İdarəsinin rəisi Əziz Məsmalıyev, müəllim və şagirdlər iştirak ediblər.

Çıxışlarda dini fanatizm, radikalizm, ekstremizm və onların mahiyyəti barədə məlumat verilib. Həmçinin yeniyetmə və gənclərin kənar təsirlərdən, yad dini ideologiyalardan və zərərli vərdişlərdən qorunması istiqamətində həyata keçirilən tədbirlərdən bəhs edilib. Gənclərimizin zəngin milli-mənəvi dəyərlərimiz əsasında və vətənpərvərlik ruhunda formalaşmasının əhəmiyyətinə də toxunulub.

Sonda iştirakçıları maraqlandıran suallar cavablandırılıb.