Xəbərlər / 24.05.2023 / 12:48

May ayının 24-də Dini Qurumlarla İş üzrə Dövlət Komitəsinin təşkilatçılığı ilə qeyri-islam dini icmaların nümayəndələri Gəncədə fəaliyyət göstərən Aleksandr Nevski Rus Pravoslav kilsəsini ziyarət ediblər.

Bildirilib ki, Azərbaycanda min illər öncə formalaşmış tolerantlıq ənənələri zaman keçdikcə yeni xüsusiyyətlər qazanaraq bu coğrafiyada yaşayan insanların başlıca keyfiyyətinə çevrilib. Bu gün Azərbaycanda yalnız məscidlər deyil, kilsə və sinaqoqlar da sərbəst, heç bir maneə olmadan fəaliyyət göstərir və onlara dövlət tərəfindən qanun çərçivəsində lazımi dəstək verilir.

Qeyd edilib ki, respublikamızda dini və tarixi abidələr dövlət tərəfindən qorunur. Azərbaycanın multikulturalizmlə, dinlərarası münasibətlə bağlı apardığı siyasət bütün dünya tərəfindən, dünya liderləri tərəfindən təqdirlə qarşılanır.

Kilsənin baş keşişi tərəfindən dini ayin icra olunub, dualar oxunub.