Xəbərlər / 04.05.2023 / 17:28

Mayın 4-də Dini Qurumlarla İş üzrə Dövlət Komitəsinin (DQİDK) Quba bölgəsi üzrə şöbəsi, Xaçmaz Rayon İcra Hakimiyyəti (RİH) və Xaçmaz rayonu Qaraqurdlu kənd məscidi dini icmasının təşkilatçılığı ilə “Multikultural cəmiyyətdə məzhəbçilik və dini təəssübkeşlik meyillərinin yaratdığı problemlər” mövzusunda seminar keçirilib.

Tədbirdə DQİDK-nın Quba bölgəsi üzrə şöbəsinin baş məsləhətçisi Fərid Məmmədov, Xaçmaz RİH-in İctimai-siyasi və humanitar məsələlər şöbəsinin müdir müavini – dini qurumlarla işin təşkilatçısı Ceyhun Musayev,  Xaçmaz rayonu Qaraqurdlu kənd məscidi dini icmasının sədri Mübariz Abdullayev, din xadimləri və gənclər iştirak ediblər.

Çıxışlar zamanı məzhəbçilik və dini təəssübkeşliyin təhlükələrindın bəhs olunub. Qeyd edilib ki, bu istiqamətdə mübarizə tədbirləri,  o cümlədən tolerantlığın qorunması və təbliği məqsədilə həm DQİDK tərəfindən, həm də müvafiq qurumlarla birgə ardıcıl iş aparılır, tədbirlər təşkil olunur, maarifləndirici dini ədəbiyyatlar nəşr edilərək gənclərə paylanılır.  O da qeyd olunub ki, tolerant cəmiyyətin qorunması sülhün təminatıdır.

Sonda iştirakçıların sualları cavablandırılıb, fikirləri dinlənilib.