Press-relizlər / 24.01.2023 / 15:00

Yanvarın 23-də Dini Qurumlarla İş üzrə Dövlət Komitəsinin Zaqatala bölgəsi üzrə şöbəsi, Qax Rayon İcra Hakimiyyəti və QMİ-nin rayon nümayəndəliyinin birgə təşkilatçılığı ilə Qax şəhər “Mərkəzi Cümə” məscidində dini icmaların və din xadimlərinin 2022-ci il üçün yekun hesabatı, eləcə də cari ildə görüləcək işlərə həsr olunmuş tədbir keçirilib.

Tədbirdə DQİDK-nın Zaqatala bölgəsi üzrə şöbəsinin müdiri İlqar Vəliyev, QMİ-nin səlahiyyətli nümayəndəsi Hacı Əsgərov, dini icma sədrləri və din xadimləri iştirak ediblər.

Çıxışlar zamanı dini icmaların ötən ilin yekun hesabatı və 2023-cü ildə görüləcək işlər müzakirə olunub. Din xadimlərinə və dini icma sədrlərinə müvafiq tapşırıq və tövsiyələr verilib.

Sonda iştirakçıların təklifləri dinlənilib, onları maraqlandıran suallar cavablandırılıb.