Xəbərlər / 26.09.2022 / 16:56

Sentyabrın 26-ı Dini Qurumlarla İş üzrə Dövlət Komitəsinin (DQİDK) Gəncə bölgəsi üzrə şöbəsi və Qafqaz Müsəlmanları İdarəsinin (QMİ) Naftalan şəhəri və Goranboy rayonu üzrə nümayəndəliyinin birgə təşkilatçılığı ilə Goranboy rayonunda 27 sentyabr Anım Günü ilə əlaqədar “Vətən uğrunda şəhadət ən ali məqamdır” mövzusunda tədbir keçirilib.

Tədbirdə DQİDK-nın əməkdaşı Vüsal Hüseynli, QMİ-nin səlahiyyətli nümayəndəsi Anar Orucov, eləcə də rəsmi din xadimləri və dini icma sədrləri iştirak ediblər. İlk öncə ölkəmizin suverenliyi və ərazi bütövlüyü uğrunda canından keçmiş əziz şəhidlərimizin xatirəsi bir dəqiqəlik sükutla yad edilib. Çıxışlar zamanı 44 günlük Vətən Müharibəsində xalqımızın igid oğullarının şücaəti və cəsarətindən bəhs edilərək, ərazi bütövlüyümüzün təmin olunduğu, Azərbaycanın beynəlxalq nüfuzu və regionda artan gücü vurğulanıb.