Press-relizlər / 26.08.2022 / 09:36

Avqustun 25-də Dini Qurumlarla İş üzrə Dövlət Komitəsinin (DQİDK) Şamaxı bölgəsi üzrə şöbəsi, Ağsu rayon Gənclər və İdman İdarəsinin birgə təşkilatçılığı ilə “Dini məzhəbçilik meyillərinin milli birliyə və dini təhlükəsizliyə təsiri” mövzusunda tədbir keçirilib.

DQİDK-nın Şamaxı bölgəsi üzrə şöbəsinin əməkdaşı Tural Vahidov, Gənclər və İdman İdarəsinin əməkdaşı Təhmasib Məhəmmədhüseyin, rayon Heydər Əliyev Mərkəzinin əməkdaşları və gənclər iştirak ediblər.

Çıxışlar zamanı Azərbaycanda mövcud olan tolerant və multikultural şəraitdən danışılıb. Ölkəmizdə müxtəlif dinlərin, məzhəblərin və xalqların nümayəndələrinin sülh və qarşılıqlı hörmət şəraitində yaşadıqları qeyd edilib. Həmçinin o da vurğulanıb ki, dini məzhəbçilik meyilləri milli birliyə və dini təhlükəsizliyə qarşı təhdiddir.

Sonda seminar iştirakçılarının sualları cavablandırılıb və mövzuya uyğun müzakirələr aparılıb.