Gəncədə maarifləndirmə tədbiri keçirilib

Press-relizlər / 18.07.2022 / 11:35

İyulun 15-də Dini Qurumlarla İş Üzrə Dövlət Komitəsinin (DQİDK) Gəncə bölgəsi üzrə şöbəsi və Azərbaycan Texnologiya Universitetinin (UTECA) birgə təşkilatçılığı ilə "Milli dövlətçiliyə təhlükə yaradan dini-siyasi cərəyanlara qarşı mübarizədə ali təhsil müəssisələrinin rolu" mövzusunda tədbir keçirilib.

Tədbirdə DQİDK-nın Gəncə bölgəsi üzrə şöbəsinin müdiri Həsən Məmmədov, Azərbaycan Texnologiya Universitetinin rektoru professor Akif Süleymanov, Azərbaycan İlahiyyat İnstitutunun kafedra müdiri Əhməd Niyazov, Gəncə Şəhər İcra Hakimiyyətinin nümayəndəsi Yadigar Bədəlov, AMEA Tarix İntitutunun şöbə müdiri Hacı Həsənov, Rusiya Xalqlar Dostluğu Universitetinin kafedra müdiri Oqtay Hüseynov, “Müasir İnkişaf” İB-nin sədri Mübariz Göyüşlü, Azərbaycan Dövlət Pedaqoji Universitetinin dosenti Mübariz Ağalarlı, müəllim və tələbələr iştirak ediblər.

Əvvəlcə şəhidlərimizin xatirəsi bir dəqiqəlik sükutla yad edilib.

Çıxışlarda qeyd olunub ki, milli dövlətçiliyə təhlükə yaradan dini-siyasi cərəyanlara qarşı mübarizədə təhsilin, o cümlədən ali təhsil müəssisələrinin rolu böyükdür. Müasir dövrdə dünyanın bir sıra dövlətlərinin terror və ekstremizmdən ciddi əziyyət çəkdiyi qabardılaraq bir sıra dövlətlər və beynəlxalq təşkilatların bölgədə və dünyada baş verən münaqişələrə ikili standartlarla yanaşdığı, prinsipial mövqe nümayiş etdirmədiyi vurğulanıb. Azərbaycan xalqının da tarixin müxtəlif mərhələlərində haqsızlıqlara, zülmə və terrora məruz qalandığından, onun ağrı-acısına və ağır nəticələrinə daha dərindən bələd olduğu diqqətə çatdırılıb. Eləcə də dini ekstremizm təhlükəsindən söz açılaraq radikal dini təriqətlərin geniş vüsət almaması üçün görülən işlər xatırladılıb. Ələxsus da gənclər, böyüməkdə olan nəslin etnik və dini münaqişəyə sürüklənməməsi üçün diqqətli olmağın vacibliyi önə çəkilib. Dini ekstremizmin qarşısının alınması, vətəndaşların zərərli xarici təsirlərdən qorunması, ölkədəki dini durumun sabit saxlanılması, əhalinin təhlükəsizliyinin təmin edilməsi istiqamətində uğurla davam etdirilən tədbirlərdən söz açılıb.

Tədbir diskussiya şəklində davam edib.


Son baxılan xəbərlər

Dini Qurumlarla İş üzrə Dövlət Komitəsində ötən ilin yekunları müzakirə edilib

Press-relizlər
29.01.2016 / 17:18
Ətraflı oxu

Bölgələrdə maarifləndirmə tədbirləri davam etdirilir

Xəbərlər
05.07.2021 / 16:23
Ətraflı oxu

“Uşaq hüquqları aylığı” çərçivəsində tədbirlər davam etdirilir

Press-relizlər
24.10.2019 / 14:52
Ətraflı oxu

Prezident İlham Əliyev: "Bizdə məsciddə vəhdət namazı qılınması ilə bağlı nadir təcrübə var ki, ...

Xəbərlər
28.11.2022 / 11:34
Ətraflı oxu

Masallıda Xocalı faciəsinin qurbanları anılıb

Press-relizlər
19.02.2020 / 14:38
Ətraflı oxu

Dini radikalizmə qarşı mübarizədə İslam həmrəyliyinin rolu müzakirə olunub

Press-relizlər
26.04.2017 / 17:12
Ətraflı oxu