Rayonlarda maarifləndirici görüşlər baş tutub

Xəbərlər / 10.06.2022 / 10:06

“İslam dininə aid ibadət yerlərinə və ziyarətgahlara din xadiminin təyin olunması, attestasiyası və tutduğu vəzifədən azad edilməsi Qaydası” ilə bağlı iyunun 9-da Dini Qurumlarla İş üzrə Dövlət Komitəsinin (DQİDK) Ağcabədi bölgəsi üzrə şöbəsinin müdiri Əlizadə Nəcəfov Pərioğullar və Avşar kəndlərinin din xadimləri və din xadimi olmaq istəyən namizədlərlə görüşlər keçirib.

DQİDK-nın Tovuz bölgəsi üzrə şöbəsinin müdiri Rasim Tağıyev, Gədəbəy rayon İcra Hakimiyyətinin dini məsələlərdən məsul şəxsi Qədir Bağırov, rayonun Polis şöbəsinin nümayəndəsi Məcnun Kamalov və din xadimlərinin iştirakı ilə bu qəbildən növbəti görüş Gədəbəydə baş tutub.

İyunun 10-da İmişli bölgəsi üzrə şöbənin təşkilatçılığı ilə baş tutan görüşdə şöbə müdiri Cavanşir Bəhrəmov, QMİ-nin bölgə üzrə qazısı Mirsəccad İmranov və Beyləqan rayonunda fəaliyyət göstərən din xadimləri və din xadimi olmaq istəyən şəxslər iştirak ediblər.

Təşkil edilən görüşlərdə İslam dininə aid ibadət yerlərinə və ziyarətgahlara din xadiminin təyin olunması, attestasiyası və tutduğu vəzifədən azad edilməsi qaydaları, din xadiminin təyin edilməsi məqsədi ilə müsahibə elanının verilməsi ilə bağlı təşkilati məsələlər izah edilib, müsahibə komissiyasının tərkibinin formalaşdırılması, reqlamenti və müsahibənin keçirilməsi qaydası iştirakçıların diqqətinə çatdırılıb. Din xadimi olmaq istəyən şəxslərə sənədlərlə bağlı müvafiq prosedur və attestasiya üzrə proqram barədə metodiki yardım göstərilib.

Sonda görüş iştirakçıları sual və təkliflərini bildiriblər.


Son baxılan xəbərlər

Bakıda “Müqəddəs Məryəmin nuru” adlı əsər təqdim olunub

Press-relizlər
05.01.2023 / 14:54
Ətraflı oxu

Xaçmazda “Azərbaycan qadınının tolerant və mütərəqqi cəmiyyətin formalaşmasında rolu” mövzusunda seminar keçirilib

Xəbərlər
23.11.2022 / 14:50
Ətraflı oxu

Zərdabda “31 Mart-Tariximizin faciəli səhifəsi” adlı anım tədbiri keçirilib

Press-relizlər
30.03.2021 / 15:40
Ətraflı oxu

Hacıqabulda “İnsan Hüquqları Aylığı” çərçivəsində tədbir keçirilib

Press-relizlər
01.06.2018 / 09:54
Ətraflı oxu

Pirallahı rayonunda radikalizm və ekstremizm ilə mübarizə mövzusu müzakirə olunub

Press-relizlər
17.05.2017 / 17:46
Ətraflı oxu

Mərakeşdə "Müsəlman dünyasında dinlərarası dialoq və mədəniyyətlərarası anlaşmanın təşviqi modelləri" mövzusunda konfrans keçirilib

Press-relizlər
16.05.2015 / 10:31
Ətraflı oxu