Press-relizlər / 21.04.2022 / 16:41
Aprelin 21-də Dini Qurumlarla İş üzrə Dövlət Komitəsinin (DQİDK) Quba bölgəsi üzrə şöbəsi, Quba Rayon İcra Hakimiyyəti (RİH), Quba şəhəri “Ağ məscid” dini icmasının birgə təşkilatçılığı ilə “Dini fanatizm, radikalizm və ekstremizmin mahiyyəti və təhlükələri” adlı seminar keçirilib.
Seminarda DQİDK-nın Quba bölgəsi üzrə şöbəsinin müdiri Eynulla Nurullayev, Quba RİH başçısı Aparatının İctimai-siyasi və humanitar məsələlər üzrə şöbənin müdir müavini Anar Məmmədov, Qafqaz Müsəlmanları İdarəsinin Quba rayonu üzrə səlahiyyətli nümayəndəsi Anar Eyyubov, şəhər “Ağ məscid” dini icmasının sədri Məhəmməd Manafov, icma üzvləri və fəal gənclər iştirak ediblər.
Çıxışlarda dini fanatizm, radikalizm və ekstremizmin mahiyyətindən bəhs olunub, dini radikalizmin yarada biləcəyi təhlükələr barədə ətraflı məlumat verilib. Eyni zamanda dini fanatizm və ekstremizmlə mübarizə sahəsində din xadimlərinin rolu qeyd olunub.
Sonda iştirakçıların sualları cavablandırılıb, mövzu üzrə müzakirələr aparılıb və DQİDK tərəfindən nəşr edilən müvafiq ədəbiyyat gənclərə hədiyyə edilib.
