Press-relizlər / 15.04.2022 / 16:30

Aprelin 15-də Dini Qurumlarla İş üzrə Dövlət Komitəsinin (DQİDK) Quba bölgəsi üzrə şöbəsi, Quba Rayon İcra Hakimiyyəti (RİH) və Rayon Gənclər və İdman İdarəsinin  birgə təşkilatçılığı ilə Quba rayonu Heydər Əliyev Mərkəzində “İslam dinində zərərli vərdişlərə münasibət” adlı tədbir keçirilib.

Tədbirdə DQİDK-nın Quba bölgəsi üzrə şöbəsinin müdiri Eynulla Nurullayev, Quba Rayon İcra Hakimiyyəti başçısı Aparatının İctimai-siyasi və humanitar məslələr şöbəsinin müdir müavini Anar Məmmədov, rayon Gənclər və İdman İdarəsinin rəis müavini Mənsur Ağayev, Qafqaz Müsəlmanları İdarəsinin Quba rayonu üzrə səlahiyyətli nümayəndəsi Anar Eyyubov və rayonun fəal gəncləri iştirak ediblər.

Çıxışlarda mövzunun əhəmiyyətindən danışılıb. Zərərli vərdişlər və onların fəsadları haqqında ətraflı məlumat verilib. Yeniyetmə və gənclərin zərərli vərdişlərin təsirlərindən qorunması istiqamətində həyata keçirilən tədbirlərdən bəhs olunub.

Sonda iştirakçıları maraqlandıran suallar cavablandırılıb.