Press-relizlər / 21.02.2022 / 15:38

Fevralın 21-də Siyəzən şəhəri 2 saylı tam orta məktəbində Xocalı faciəsininin 30-cu ildönümünə həsr olunmuş “Xocalı faciəsi qan yaddaşımızdır” mövzusunda anım tədbiri keçirilib.

Tədbirdə Dini Qurumlarla İş üzrə Dövlət Komitəsinin (DQİDK) Quba bölgəsi üzrə şöbəsinin aparıcı məsləhətçisi Gündüz Səmədli, Siyəzən rayon Təhsil Şöbəsinin müdiri Pərvin Ağasiyev, YAP rayon təşkilatının sədri Samir Baxşiyev, yerli dövlət qurumlarının nümayəndələri, Siyəzən rayonu Zarat kənd məscidinin imamı İmran Xudaverdili, din xadimləri, dindarlar, ziyalılar, gənclər və yuxarı sinif şagirdləri iştirak ediblər.

Çıxış edən natiqlər bildiriblər ki, Xocalı soyqırımı Azərbaycan tarixinə ən dəhşətli və faciəli səhifələrdən biri kimi daxil olub. Vurğulanıb ki, bu cinayət, təkcə Azərbaycan xalqına qarşı deyil, həm də bütün dünyaya, bəşəriyyətə qarşı yönəldilib. Qeyd edilib ki, beynəlxalq təşkilatlar, dünya dövlətlərinin parlamentləri Ermənistan Respublikasının Azərbaycan torpaqlarında törətdiyi hərbi cinayətə - Xocalı soyqırımına, əsl soyqırım hadisəsi kimi beynəlxalq siyasi-hüquqi qiymət verməlidirlər.