Balakəndə 2021-ci ilin yekunları və 2022-ci ildə qarşıda duran vəzifələrə həsr olunmuş tədbir keçirilib

Xəbərlər / 13.01.2022 / 16:55

Yanvarın 13-də Dini Qurumlarla İş üzrə Dövlət Komitəsinin (DQİDK) Zaqatala bölgəsi üzrə şöbəsi, Balakən Rayon İcra Hakimiyyəti və Qafqaz Müsəlmanları İdarəsinin (QMİ) Balakən rayon qazılığının birgə təşkilatçılığı ilə Balakəndə 2021-ci ilin yekunları və 2022-ci ildə qarşıda duran vəzifələrə həsr olunmuş tədbir keçirilib.

Tədbirdə DQİDK-nın Zaqatala bölgəsi üzrə şöbəsinin müdiri İlqar Vəliyev və şöbənin əməkdaşları, QMİ-nin Balakən rayonu üzrə qazısı İbrahim İbrahimov, dini icma sədrləri, həmçinin din xadimləri iştirak ediblər.

Tədbir Azərbaycan Respublikasının suverenliyi və ərazi bütövlüyü uğrunda canlarından keçmiş Şəhidlərin əziz xatirəsinin  bir dəqiqəlik sükutla yad edilməsi ilə başlanılıb. Qazılıq tərəfindən ötən ildə görülən  işlərə dair ətraflı məlumat verilib, pandemiya dövründə  keçirilən dini mərasimlərin qanunvericiliyin tələblərinə uyğun olaraq baş tutduğu bildirilib. 2022-ci ildə dini radikalizm və xurafatla mübarizə aparılması, milli-mənəvi dəyərlərimizin fəal şəkildə təbliği, dini maarifləndirmə işinin düzgün təşkil edilməsi, habelə sosial şəbəkələrdən səmərəli istifadə ilə bağlı dini icma sədrləri və din xadimlərinə tövsiyələr verilib. Natiqlər xalqımızın çoxəsrlik milli-mənəvi və dini dəyərlərinin qorunması, inkişafı və gələcək nəsillərə çatdırılmasında din xadimlərinin üzərinə mühüm vəzifələrin düşdüyünü vurğulayıblar.

Sonda tədbir iştirakçılarını maraqlandıran suallar cavablandırılıb.


Son baxılan xəbərlər

Dövlət Komitəsinin dəstəyi ilə Zaqatala və Qax rayonlarında iftar süfrələri təşkil edilib

Press-relizlər
16.07.2015 / 10:00
Ətraflı oxu

Prezident İlham Əliyev Məkkədə ümrə ziyarətində olub

Xəbərlər
07.04.2015 / 22:35
Ətraflı oxu

“Dövlətçilik, müstəqillik, milli birlik, vətənpərvərlik” mövzusu Qobustanda müzakirə edilib

Xəbərlər
26.05.2022 / 17:15
Ətraflı oxu

COVID-19 pandemiyası ilə əlaqədar Azərbaycan Respublikası Nazirlər Kabineti yanında Operativ Qərargahın tövsiyələri əsasında məsciddə ...

Xəbərlər
02.06.2021 / 17:53
Ətraflı oxu

Bölgələrdə “28 May-Müstəqillik Günü” münasibətilə tədbirlər keçirilib

Xəbərlər
26.05.2022 / 11:07
Ətraflı oxu

“Yeniyetmə və gəncləri radikalizm və ekstremizm təhlükəsindən qoruyaq!” mövzusunda maarifləndirici tədbir keçirilib

Xəbərlər
25.05.2022 / 12:49
Ətraflı oxu