Xəbərlər / 15.12.2021 / 17:40

Dekabrın 15-də Hacıqabul rayonunda Dini Qurumlarla İş üzrə  Dövlət Komitəsinin (DQİDK) Şirvan bölgəsi üzrə şöbəsi və Hacıqabul rayon mədəniyyət müəssisələrinin birgə təşkilatçılığı ilə “Yeniyetmə və gəncləri radikalizm və ekstremizm təhlükəsindən qoruyaq” mövzusunda videokonfrans keçirilib.

Konfransda Dövlət Komitəsinin Şirvan bölgəsi üzrə şöbəsinin əməkdaşları, ictimaiyyət nümayəndələri və din xadimləri iştirak ediblər.

Tədbiri giriş sözü ilə açan DQİDK-nın Şirvan bölgəsi üzrə şöbəsinin əməkdaşı Alpay Şərifli bildirib ki, milli-mənəvi və dini dəyərlərdən uzaq, müasir dünyagörüşünə malik olmayan gənc nəsil yad ideoloji təsirlərə məruz qalaraq cəmiyyət üçün böyük bəlaya çevrilə bilər. Odur ki, yeniyetmə və gənclər dini radikalizm və ekstremizmin təsirlərindən uzaq, milli-mənəvi dəyərlərimizə sadiq ruhda yetişdirilməlidir. Qeyd edilib ki, gəncləri radikal dini düşüncələrdən və ekstremist meyillərdən qorumaq məqsədilə mütəmadi olaraq yerlərdə maarifləndirici tədbirlərin təşkil edilməsinin böyük əhəmiyyəti var. 

Sonda digər çıxışçılar mövzu ilə bağlı fikirlərini səsləndiriblər.