Press-relizlər / 14.12.2021 / 17:22

Dekabrın 14-də Dini Qurumlarla İş üzrə Dövlət Komitəsinin (DQİDK) Lənkəran bölgəsi üzrə şöbəsi və Lerik Rayon İcra Hakimiyyətinin (RİH) birgə təşkilatçılığı ilə “Gender əsaslı zorakılıqla mübarizə” mövzusunda tədbir keçirilib.

Lerik şəhəri Heydər Əliyev Mərkəzində baş tutan tədbirdə DQİDK-nın Lənkəran bölgəsi üzrə şöbəsinin əməkdaşı Səyyad Babakişiyev, Lerik RİH başçısı Aparatının İctimai-siyasi və humanitar məsələlər şöbəsinin müdir müavini Rafiq Əzizov, 1 saylı peşə təmayüllü liseyin direktoru Gültəkin Şıxaliyeva və ictimaiyyət nümayəndələri iştirak ediblər. Çıxışlar zamanı mövzunun əhəmiyyətinə diqqət çəkilib.

Gender əsaslı zorakılıq, məişət zorakılığı və erkən nikahların qarşısının alınması istiqamətində həyata keçirilən tədbirlərdən bəhs edilib. Natiqlər, çıxışlarında xalqımızın çoxəsrlik milli-mənəvi dəyərlər sistemində xüsusi yer tutan ailə dəyərlərinin qorunmasının vacibliyini qeyd ediblər.

Sonda mövzu ətrafında müzakirələr aparılıb.