Press-relizlər / 28.10.2021 / 17:15

Oktyabrın 28-də Dini Qurumlarla İş üzrə Dövlət Komitəsinin (DQİDK) Şirvan bölgəsi üzrə şöbəsinin təşkilatçılığı ilə Salyan rayonunda 44 günlük Vətən müharibəsi şəhidlərinə həsr olunmuş onlayn formatda tədbir keçirilib.

Tədbirdə DQİDK-nın Şirvan bölgəsi üzrə şöbəsinin əməkdaşları Səftər Rəhimov, Taleh Nuriyev, rayon Təhsil Şöbəsinin əməkdaşları və din xadimləri iştirak ediblər. Əvvəlcə Vətənimizin bütövlüyü və torpaqlarımızın işğaldan azad edilməsi uğrunda canlarından keçən şəhidlərin əziz xatirəsi bir dəqiqəlik sükutla yad edilib.

Tədbirdə çıxışlar zamanı mövzunun əhəmiyyətindən danışılıb. Prezident, Silahlı Qüvvələrin Ali Baş Komandanı cənab İlham Əliyevin rəhbərliyi ilə Milli Ordumuzun 44 günlük Vətən müharibəsindəki şanlı qələbəsindən bəhs edilib.