Press-relizlər / 27.10.2021 / 16:05
Oktyabrın 27-də İsmayıllı Dini Qurumlarla İş üzrə Dövlət Komitəsinin (DQİDK) Şamaxı bölgəsi üzrə şöbəsi, İsmayıllı Rayon İcra Hakimiyyəti (RİH) və İsmayıllı Dövlət Peşə Təhsil Mərkəzinin birgə təşkilatçılığı ilə “Mənəvi dəyərlərimiz: sülh və humanizmə baxış” mövzusunda seminar keçirilib.
Seminarda İsmayıllı Dövlət Peşə Təhsil Mərkəzinin direktoru Zaur Muradov, DQİDK-nın Şamaxı bölgəsi üzrə şöbəsinin əməkdaşı Aydın Səmədov, mərkəzin müəllim və tələbələri, gənclər iştirak ediblər.
Çıxışlar zamanı mövzunun əhəmiyyətindən danışılıb. Bildirilib ki, Azərbaycan xalqı hər zaman milli dəyərlərə sadiqliyini göstərib, bu dəyərləri əsrlərlə yaşadaraq onu inkişaf etdirib. Tarixin hər bir dövründə ölkəmizdə milli dəyərlərimizin qorunması və onun gələcək nəsillərə çatdırılması aktual olub. O da vurğulanıb ki, günümüzdə də bu müsbət tendensiya özünü qoruyub saxlayır. Çünki milli dəyərlərimizin Azərbaycan xalqının formalaşmasına təsiri böyük olduğu kimi, milli dövlətçiliyimizin möhkəmləndirilməsində də xüsusi rolu var.
Sonda tədbir iştirakçılarını maraqlandıran suallar cavablandırılıb.
