Press-relizlər / 16.09.2021 / 12:51
Sentyabrın 16-da Zaqatala rayonunda “Zəfərə aparan yol: milli və dini həmrəylik” mövzusunda onlayn seminar keçirilib.
Tədbirdə Dini Qurumlarla İş üzrə Dövlət Komitəsinin Zaqatala bölgəsi üzrə şöbəsinin müdiri vəzifəsini müvəqqəti icra edən Vüqar Məmmədov, Dövlət Komitəsinin əməkdaşı Elməddin Atakişiyev, QMİ-nin Zaqatala rayonu üzrə qazısı Malik Bilalov, rayon N.Gəncəvi adına Mərkəzi Kitabxanalar Sisteminin müdiri Gülnigar Məmmədova, rayon Mədəniyyət Mərkəzinin direktoru Aybəniz Heydərova, qazilər, ziyalılar və digərləri iştirak ediblər.
Çıxışlar zamanı mövzunun əhəmiyyətindən danışılıb. Qeyd edilib ki, dinindən və millətindən asılı olmayaraq hər bir Azərbaycan vətəndaşı 44 günlük Vətən Müharibəsində Ali Baş Komandanın ətrafında “dəmir yumruq” kimi birləşərək həmrəylik nümayiş etdirdi.
Sonda mövzu ətrafında fikir mübadiləsi aparılıb, tədbir iştirakçılarını maraqlandıran suallar cavablandırılıb.
